Dünyada koronavirusa yoluxma hallarının sayı 590 milyonu, ölüm hallarının sayı isə 6,44 milyonu keçib.
Xeberle.com xəbər verir ki, bu barədə Ümumdünya Səhiyyə Təşkilatının (ÜST) gündəlik hesabatında deyilir.
Məlumata görə, ən çox yoluxma faktı (91 995 265 nəfər) ABŞ-da qeydə alınıb. Sonrakı yerlərdə Hindistan (44 298 864), Braziliya (34 201 280), Fransa (33 275 006) və Almaniya (31 725 160) yer alıb.
Yoluxma ilə yanaşı, ən çox ölüm halı (1 027 845 nəfər) da ABŞ-da olub. İkinci yerdə Braziliya (681 763), üçüncü yerdə Hindistan (527 206) qərarlaşıb. Rusiya (383 362) və Meksika (328 798) növbəti yerləri tutur.
Xatırladaq ki, Azərbaycanda indiyədək koronavirus infeksiyasına 807 min 17 yoluxma faktı qeydə alınıb, 793 min 747 nəfər müalicə olunaraq sağalıb, 9784 nəfər dünyasını dəyişib.
Xəbərdən istifadə edərkən istinad etmək vacibdir.
