Ağ evə qarşı terror aktları hazırlamaqda şübhəli bilinərək həbs edilən amerikalı istintaqa ifadələr verib.

Həmin şəxs prezident Barak Obamanı güllələmək niyyətində olub.

Ohayo ştatının 20 yaşlı sakini Kristofer Li Kornell yerli telekanalların birinə zəngi edərək İŞİD tərəfdarı olduğunu bildirib.

Terrorçulara simpatiyasını gizlətməyən gənc oğlan telekanala müsahibə verən zaman deyib ki, ABŞ-ın İŞİD bazalarını bombalamasına cavab olaraq qisas almaq istəyir: "Ağ evə daxil olub əvvəlcə prezident Barak Obamanı, sonra isə Konqres üzvlərini başından güllələyərdim”.

Bundan sonra polis onu həbs edib. Məhkəmədə Kornellin vəkilləri həmin açıqlamanın videosunun nümayişinə etiraz ediblər. Lakin hakim bu tələbi rədd edib.  (publika.az)