Körpələrini ilk dəfə görən ana heyrətlənib.

Lyüsi və Mariya Eylmer əkiz bacılardır, amma ilk baxışdan buna inanmaq olmur.

Lyüsi ağdərili və düz sarışın saçları olsa da, onun əkiz bacısının dərisi qaradır və qara buruq saçları var.

Qızlar Britaniyanın Qloster şəhərində anadan olublar. Onların atası Vins ağdərili, anası Donna isə yamaykalıdır.

"Heç kim bizim əkiz bacı olduğumuza inanmır, çünki mən ağam, Mariya isə qara. Biz eyni geyindiyimiz halda belə bacıya oxşamırıq, əkizlərə isə heç oxşamırıq. Yeni dostlarımız isə bəzən sübut üçün onlara doğum haqqında şəhadətnaməni göstərməyimizi istəyirlər” – Lyüsi deyib.

Fərqli irqlərdən olan əkizlərin doğulması ehtimalı 500-də 1-dir, ona görə də bacıların ətrafdakıları təəccübləndirmələri normaldır.

Körpələrini ilk dəfə görən ana heyrətlənib.

"Bu, onun üçün şok idi, çünki dərinin rəngi hamiləlik zamanı USM-də müəyyən edilmir. Beləliklə də o, bizim nə dərəcədə fərqli olacağımızı heç təsəvvür edə bilməzdi. Akuşer bizi ona verəndə anamın dili tutulub” - Lyüsi deyir.

Bacılar fərqli kolleclərdə təhsil alırlar. Lyüsi incəsənət və dizaynı, Mariya isə hüquq və psixologiyanı öyrənir.

İndiki həyatı barədə Lyüsi deyir:

"Biz indi hər ikimiz böyüyük. Əvvəlki kimi fərqli xarici görünüşümüz olsa da aramızdakı qohumluq əlaqəsi daha da möhkəmlənib. Biz əkiz bacı olmağımızla fəxr edirik. Mariya kollecdə dostlarına ağdərili bacısı olduğunu danışmağı sevir. Mən də fəxr edirəm ki, mənim qaradərili bacım var”. (Oxu.Az)