Avropa Komissiyası Rusiyaya qarşı yayınması mümkün olmayan yeni sanksiyalar paketi hazırlayıb.
Xeberle.com xarici KİV-lərə istinadən xəbər verir ki, bu barədə Avropa Komissiyasının sədri Ursula fon der Lyayen açıqlama verib.
Sədr qeyd edib ki, Rusiyaya qarşı 8 sanksiya paketi hazırlanıb:
"Hər bir nümunədən yayınmaq üçün "boşluqların” necə bağlanacağını öyrənmişik. İndi biz bu yayınmaların qeyri-mümkün olması üçün tədbirləri nəzərdə tutan başqa bir paketlə çıxış edirik”.
Fon der Lyayen Avropa İttifaqının tətbiq etdiyi ixrac qadağalarının Rusiya iqtisadiyyatına çox güclü təsir göstərdiyini bildirib:
"Yüksək texnologiyalı məhsulların istehsalı səngiyib, hərbi texnoloji komplekslərə təsir edilib, bizim məqsədimiz bundan ibarətdir. Bu, praktiki olaraq dayanmış avtomobil istehsalına da aiddir”.
Fon der Lyayen də Avropa İttifaqının sərhədləri üzərində ciddi nəzarətin qurulmasının tərəfdarı olduğunu bildirib və üzv dövlətlərə ölkələrin sərhəd nəzarətini gücləndirməyi tapşırıb.
Xəbərdən istifadə edərkən istinad etmək vacibdir.
