"Rusiya prezidenti Vladimir Putin, Azərbaycan lideri İlham Əliyev və Ermənistanın baş naziri Nikol Paşinyanın üçtərəfli görüşünə hazırlıq görülür. Vaxtı və yeri daha sonra dəqiqləşdiriləcək".
Xeberle.com xəbər verir ki, bunu Rusiya prezidentinin mətbuat katibi Dmitri Peskov deyib.
"Biz artıq demişdik ki, üçtərəfli görüş hazırlanır. Ümid edirik ki, bu baş tutacaq. Biz də sizə yer və vaxtla bağlı əlavə məlumat verəcəyik",- deyə Peskov bildirib.
Qeyd edək ki, bu gün Ermənistan parlamentinin sədri Alen Simonyan görüşün oktyabrın 31-də Soçidə olacağını bildirib.
Bundan əvvəl Rusiya prezidenti Vladimir Putin Azərbaycan və Ermənistan liderlərini Rusiyada keçiriləcək üçtərəfli görüşə dəvət edib.
Xəbərdən istifadə edərkən istinad etmək vacibdir.
