Ermənistan mediası Azərbaycanla imzalanacaq sülh sazişinin iki layihə varinatını açıqlayıb.
Xeberle.com-un xəbərinə görə, "hraparak” erməni mətbu orqanı İrəvanın Bakı ilə imzalayacağı sülh sazişinin iki variantı mövcuddur. Bunlardan biri Qərbin, digəri isə Rusiyanın təklif etdiyidir.
Brüsselin təqdim etdiyi variantların əsas müddəaları aşağıdaki kimidir.
1.Brüssel variantına əsasən Ermənistanın Qarabağdan tam və qeyd-şərtsiz imtinasını nəzərdə tutur. Azərbaycan Qarabağdakı ermənilərin təhlüəsizliyinə təminat verir.
2.Ermənistan və Azərbaycan sərhədlərinin təcili delimitasiya və demarkasiyası həyata keçirilir.
3.Qərb strukturlarının nəzarəti altında regional kommunikasiyalar açılır və fəaliyyətə başlanır.
4.Ermənistanla Türkiyə arasında sərhədin açılmasına nail olunur.
İkinci "rus” variantında isə ən ciddi fərqlər isə aşağıdakı kimidir. Belə ki, bu və ya digər şəkildə Qarabağın Azərbaycanın tabeçiliyinə verilmədən onun statusu gələcəyə saxlanılması nəzərdə tutulur.
Rusiya sülhməramlılarının Qarabağda uzunmüddətli qalması üçün şərait yaradılır;
Rusiya hərbi xəritələrinə əsasən sərhədlərin delimitasiyası və demarkasiyası həyata keçirilir;
Rusiya sərhəd qoşunlarının nəzarəti altında nəqliyyat-kommunikasiya xətləri açılır;.
Türkiyə ilə münasibətlər qurulur. Lakin yenə də Rusiya sərhədçiləri dövlət sərhədində nəzarəti əllərində saxlayırlar.
Xəbərdən istifadə edərkən istinad etmək vacibdir.
