Baş nazir Nikol Paşinyan bir neçə il bundan öncə 2050-ci ildə Ermənistan əhalisinin 5 milyona çatacağını bəyan etsə də, BMT-nin Əhali Fondunun məlumatına əsasən bu rəqəm 2,6 milyona bərabər olacaq.
Xeberle.com xəbər verir ki, BMT-nin Əhali Fondunun ofisinin "Əhali və inkişaf” proqramının açıqladığı məlumata görə, 2050-ci ilə qədər Ermənistanın əhalisi azalaraq 2,6 milyon nəfər təşkil edəcək.
ƏtraflıMəlumatda deyilir ki, buna səbəb 2050-ci ilə qədər ümumi doğuşun azalması olacaq. Ermənistan əhalisinin azalmasının digər səbəblərindən biri də miqrasiya prosesi olacaq.
BMT-nin Əhali Fondunun ofisinin "Əhali və inkişaf” proqramının koordinatoru Anna Ovanesyan əmin olduğunu bildirib ki, əhalinin sayının artırılması üzrə proqramlar həyata keçirilsə belə, əhalinin azalma prosesinin qarşısını tamamilə dayandırmaq mümkün deyil.
O bildirib ki, Gürcüstan və Rusiya əhalisinin sayı da 2050-ci ilə qədər azalmağa davam edəcək, digər region ölkələrində isə artacaq.
O qeyd edib ki, dünya əhalisi artıq 8 milyarddır ki, bu da 2011-ci illə müqayisədə 1 milyard çoxdur. "2050-ci ilə qədər dünya əhalisi 9,7 milyard, 2080-ci ildə isə 10,4 milyard nəfər olacaq. 2100-cü ildən planetin əhalisi azalmağa başlayacaq
Xəbərdən istifadə edərkən istinad etmək vacibdir.
