Beynəlxalq Futbol Federasiyası (FIFA) Ukrayna prezidenti Vladimir Zelenskinin çıxış təklifi ilə razılaşmayıb.
Xeberle.com xəbər verir ki, ali futbol qurumu prezidentin dünya çempionatının final oyunu öncəsi videomüraciətinin stadionda nümayiş etdirilməsi xahişini rədd edib.
CNN-nin əldə etdiyi məlumata görə, Zelenskinin ofisi FİFA-nın məlum imtina qərarından təəccübünü gizlətməyib. Müraciətin əvvəlcədən çəkilib göndərilməsi və ya canlı yayımlanacağı isə açıqlanmayıb.
Qeyd edilir ki, mövzu ilə bağlı Ukrayna prezidentinin ofisi ilə FİFA arasında danışıqlar davam edir.
Xatırladaq ki, Argentina və Fransa millilərinin qarşılaşacağı final oyunu dekabrın 18-də "Lusail İkonik” stadionunda keçiriləcək.
Xəbərdən istifadə edərkən istinad etmək vacibdir.
