ABŞ-da rəsmi olaraq "Microsoft Band 2” "ağıllı” bilərziklərin satışına başlanılıb.

Məlumata görə, ikinci nəsil bu "ağıllı” fitnes bilərzikləri ilk dəfə olaraq oktyabrın 6-da korporasiya əməkdaşları tərəfindən Nyu-Yorkda təqdim edilib. Yeniliyin qiyməti isə 249,99 dollar təşkil edir.

Xatırladaq ki, "Microsoft Band” "Windows”, "Android” və iOS əməliyyat bazasında bütün istənilən mobil avadanlıqlarla işləyir. Avadanlıq nəinki istifadəçinin nəbzini, onun piyada keçdiyi kilometrləri izləyir, həm də ətraf mühit haqqında məlumatlar toplayır. 

Bundan başqa, bu avadanlıq SMS-məlumatlar göndərə və ala biləcək. Onun smartfonlarla sinxronlaşdırılması əlavələr mağazasında "Microsoft Health” adlı proqram yaradılıb.(Lent.az)