"SuperData” analitik şirkətinin hesabatına əsasən, Çin, Yaponiya və Cənubi Koreyadan olan istifadəçilər 2015-ci ildə mobil oyunlara 14 milyard dollar pul xərcləyiblər.

İKT.lent.az-ın "gazeta.ru” saytına istinadən verdiyi məlumata görə, bu barədə "VentureBeat” nəşri xəbər yayıb.

Yatırımların həcminə görə bu siyahıda lider Yaponiyadır - 132 milyon yapon mobil oyunlara 6,2 milyard dollar pul xərcləyib ki, bu da ABŞ-dan çoxdur.

2015-ci ildə Çindən olan 785 milyon nəfər mobil oyun istifadəçisi iOS və "Android” platformalarında olan oyunlara 5,2 milyard dollar vəsait xərcləyib.

İlk üçlüyü Cənubi Koreya qapadır. Bu ölkədə bu sahəyə 1,3 milyard dollar xərclənib.

Hazırda isə dünyada mobil oyunlar bazarının sürətlə inkişaf etdiyi ölkələrdən biri də Hindistandır. Hindistanlı mobil oyun istifadəçiləri 416 milyon dollar xərcləyir. 2018-ci ildə bu rəqəmin 1,2 milyard dollara qədər artacağı gözlənilir.

 
Asiyada ən populyar platforma "Android”dir. "Android” istifadəçilərinin Çin və Cənubi Koreyadakı mobil oyunlardan gəlirləri 73 faiz təşkil edir.