"Time” jurnalı bütün zamanların ən böyük cihazlarının reytinqini tərtib və dərc edib. 
İKT.len.az-ın "runews24.ru” saytına istinadən məlumata görə, siyahıya cəmi 50 cihaz daxil edilib.
Siyahıda birinci yerə "Apple” şirkətinin istehsalı olan "iPhone” smartfonu tutub. Nəşrin fikrincə, bu smartfon insanın informasiyaya olan münasibətini köklü şəkildə dəyişib və onun təsiri hələ bir çox illər sonra da hiss olunacaq. İkinci yerdə rəngli "Sony Trinitron” televizoru durur. Onun bütün planet üzrə satışları 100 milyon nüsxəyə çatıb. Üçüncü mövqedə "Apple Macintosh” cihazı durur ki, "Time” jurnalının nümayəndələrinin fikrincə, bu cihaz da əbədi olaraq insanın kompüterlə ünsiyyəti ilə bağlı standartları təyin edib.
Siyahıya həmçinin "Sony Walkman” musiqi pleyerləri, "Canon” cib kalkulyatorları, "Nintendo” oyun avadanlığı, ani çap funksiyasına malik "Polaroid” fotokamerası, "Nokia 3210” telefonu və "JVC VideoMovie” video kamerası daxil edilib.