Hakerlər faylların saxlanılması üçün yaradılmış "Dropbox” xidmətinin 68 milyon istifadəçisinin məlumat şifrələrini oğurlayıb.
İKT.lent.az-ın "runews24.ru” saytına istinadən məlumata görə, şirkətdə bu faktı təsdiqləyiblər.
Məlumatların sızmasını naməlum qalmağı üstün tutan bir işçi etiraf edib. İnformasiya təhlükəsizliyi üzrə mütəxəssis Troy Hant isə öz həyat yoldaşının şifrələri timsalında məlumatın düzgünlüyünü təsdiqləyib.
Avqustun sonlarında xidmət şirkətin sisteminin hücuma məruz qalması səbəbindən şifrələrin yenidən dəyişdirilməsinə ehtiyac olduğunu bildirib. Ancaq şirkət nümayəndələri oğurlanan akkauntların dəqiq sayını bildirməyiblər.
Məlumata görə, "Dropbox”un şifrələr bazası "qara şəbəkə”nin əsas ticarət meydançalarında satışa çıxarılmayıb.
Xəbərdən istifadə edərkən istinad etmək vacibdir.
