Azərbaycanda meqapolisdə turizm sənayesinə dair kitab çapdan çıxıb.

Nurlan Mirzəliyevin yenicə çapdan çıxmış "Meqapolisdə turizm sənayesinin formalaşması və inkişafı. Bakı şəhərinin meqapolis perspektivləri” adlı əsəri böyük elmi əhəmiyyəti olan hadisə kimi səciyyələndirmək olar. Bu kitab yenicə qədəm basmış gənc elmi tədqiqatçının – Azərbaycan Turizm İnstitutunun ilk məzunlarından biri olan N.Mirzəliyevin magistr dövründə apardığı araşdırmaların nəticəsində meydana gələn ilk qələm məhsulu kimi qiymətləndirilə bilər. Kitab turizm sahəsində təhsil alan bakalavr və magistrlər, həmçinin bu sahənin gənc tədqiqatçıları üçün də faydalı mənbədir.
Gənc tədqiqatçı Nurlan Mirzəliyev AMEA-nın İqtisadiyyat İnstitutunda kiçik elmi işçi vəzifəsində işləyir.