Abşeronun Qobu qəsəbəsi problemlər məngənəsində boğulur. Burada "Yeni məhəllə” adlanan ərazidə yaşayanların problemləri bitib-tükənmək bilmir.
Xüsusilə də bərbad vəziyyətdə olan yol sakinlərin təngə gətirib.Vay o gündən ki, kimsə ağır xəstələnə və Təcili Tibbi Yardıma ehtiyac duya. Bax əsil faciə onda yaşanır. Hava yağmurlu olanda isə bura bataqlığı xatırladır. Nəinki piyada heç avtomobillə də hərəkət etmək mümkün olmur. Beləcə "Yeni məhəllə”də sanki həyat donur. Donmaqdan söz düşmüşkən. Havalar soyuyan kimi sakinlər mavi yanacaq üzünə də həsrət qalırlar. Bütün bunlar azmış kimi, üstəlik kanalizasiya xəttinin olmaması vəziyyəti daha da çətinləşdirib. Qоbu qəsəbə inzibati ərazi dairəsi üzrə nümayəndəlikdən şifahi olaraq bildirdilər ki, 20 min təsərrüfatı olan yaşayış məskənində ümumiyyətlə kanalziasiya xətti mövcud deyil. Gələcəkdə bu problemin aradan qaldırılması istiqamətində müvafiq tədbirlər görüləcək. O ki, qaldı yol məsələsinə. Qobu bələdiyyəsinin sədri Xanağa Əlihəsənovun məsələyə münasibəti belə oldu: İndi qobuluların bir yolu qalır. Problemlər haqqında aidiyyatı qrumlara müraciət etmək və bundan sonra rəsmilərin söz verdiyi o yaxın gələcəyi gözləmək.
RAMİL ZEYNALLI
Xəbərdən istifadə edərkən istinad etmək vacibdir.
