ATAK helikopterləri, "Altay" tankları, "Fırtına" topları... 

Arsenalını istehsal etdiyi müasir döyüş texnikaları ilə gücləndirən Türkiyə Silahlı Qüvvələrinin inventarına daha bir neçə möhtəşəm döyüş texnikası əlavə edilib. 

Türk mühəndisləri tərəfindən hazırlanan "Pars" və "Kaplan" zirehli texnikasına "Saber" və "Taber" adlı qüllələr quraşdırılıb. "Pars" zirehli nəqliyyat vasitəsinə quraşdırılan "Saber" qülləsi istənilən hava şəraitində hədəfini yüksək dəqiqliklə vura bilir.

"Saber" silah qülləsinə xüsusi bir görmə sistemi uyğunlaşdırılıb ki, bu da operatora istər gecə, istərsə də gündüz olmaqla hər cür hava şəraitində hədəfi müəyyən etmək imkanı verir. 

"Taber" silah qülləsi də tamamilə Türk mühəndisləri tərəfindən hazırlanıb. Yeni nəsil zirehli döyüş texnikası olan "Kaplan"a quraşdırılan "Taber" silah qülləsi hədəfi avtomatik izləyən görmə sisteminə malikdir. 

Bir çox ölkələrdə buna bənzər silahlar istehsal edilsə də "Saber" və "Teber"lə müqayisə olunacaq imkanlara sahib texnika yoxdur. Artıq bir sıra ölkələr bu döyüş texnikalarını əldə etmək niyyətində olduqlarını bildiriblər.