Adətən xarici ölkələrdə yarışlarına rast gəlinən dronlar bu dəfə Azərbaycan səmasında uçdular. Salyanda dron həvəskarlarının maraqlı şousunu gətirəcəyik ekranlara.
Vertolyotlar, müxtəlif modeldə olan təyyarələr. Görüntülər hansısa festivaldan yox, dron həvəskarlarının Salyanda təşkil etdikləri maraqlı şou-paraddandır. Pultla idarə olunan bu aparatlar adi oyuncaqlardan bir çox üstünlükləri ilə fərqlənirlər.
Bu dronların müxtəlif detallarını xaricdən gətirən həvəskarlar onu özləri dizayn edib və bu maraqlı modelləri ərsəyə gətiriblər. Vertolyotlar manevr və yüksəkliyə qalxma qabiliyyətinə görə bir-birindən fərqlənir.
Bu vertolyotlardan əylənmək üçün, eyni zamanda yüksəklikdən çəkiliş məqsədi ilə də istifadə etmək mümkündür. Adətən bölgələrdəki köhnə hava limanlarında oyuncaq vertolyotları uçuran həvəskarlar bu maraqlı əyləncəni hər dəfə başqa bir rayonda təşkil etməklə insanların diqqətini bu aparatlara çəkməyə çalışırlar.