Bu fotolar Sumqayıtın Nəriman Nərimanov prospekti ilə Cəfər Cabbarlı küçəsinin kəsişməsində, xiyabanda çəkilib. Xatırlayırsınızsa, təxminən 2 il öncə də məhz bu prospektdə - Mərkəzi Bazara yaxın ərazini elə metlaxlamışdılar ki, ağaclara "nəfəs üçün" yer saxlamamışdılar. O zaman icraçılar vəziyyətdən belə çıxdılar ki, iş hələ bitməyib, tələsik belə düzəldiblər və az sonra genişləndirəcəklər. Həqiqətən də həmin materialdan sonra ağcaları "azad etdilər".
Bəs indi?! Biz bu fotoları çəkdiyimiz təxminən 2 ay ərzində vəziyyət dəyişməz qalıb. Bizə belə gəlir ki, bu ağacları yalnız iynə ilə belləmək, dibinə də şprislə su vermək olar... 
Elnur Ağayev
Fotolar müəllifindir
Xeberle.com