44 günlük Vətən müharibəsinin şəhidi Elnur Allahverdizadənin qardaşı Səbuhi Allahverdizadə Sumqayıt Bələdiyyəsinə Mətbuat katibi təyin edilib.
Xeberle.com məlumat verir ki,Azərbaycan Ordusunun əsgəri olan Elnur Allahverdizadə 2020-ci il sentyabrın 27-də Azərbaycan Silahlı Qüvvələri tərəfindən Ermənistan işğalı altında olan ərazilərin azad edilməsi və Azərbaycanın ərazi bütövlüyünün bərpa olunması üçün başlanan İkinci Qarabağ müharibəsində könüllü topçu olaraq iştirak edib.
Ağdamın və Xocavəndin azadlığı uğrunda gedən döyüşlərdə vuruşub. Elnur Allahverdizadə 7 noyabr 2020-ci ildə Ağcabədi rayonunun Yuxarı Qiyaməddinli kəndi istiqamətində döyüş tapşırığının yerinə yetirilməsi zamanı şəhidlik zirvəsinə ucalıb.
8 noyabr 2020-ci ildə Sumqayıt Şəhidlər Xiyabanında dəfn olunub.
Xəbərdən istifadə edərkən istinad etmək vacibdir.
