Sumqayıt şəhərində birləşmiş məhəllədə yerləşən binanın pilləkənləri uçub-dağılıb. Sakinlər evlərinə getməyə çətinlik çəkirlər. Söhbət bina 14, blok 3-dən gedir.
Xeberle.com-un əməkdaşı qəzalı binanın sakinləri ilə görüşüb. Sakinlərin dediyinə görə, binada yaşayanlar hər gün səhər saatlarında məktəbli uşaqları uçulmuş pilləkənlərdən keçirirlər.Yaşlılar isə bəzən günlərlə evdən bayıra çıxa bilmirlər:
"Bizim bina sovetlərdə tikilən binadır. Mənzillərə giriş mümkünsüz hala gəlib. MİS bunu görür. Şikayət etsək də, heç bir tədbir görülmür. Pilləkənlər elə bir vəziyyətdədir ki, çıxan-düşən hər kəs yıxılır. Binamızda yaşayanlar imkansız təbəqə olduğu üçün öz hesabımıza düzəltdirə bilmirik”.
QEYD: Mövzunu davam etdirəcəyik.
Elşən Yəhyayev
Xəbərdən istifadə edərkən istinad etmək vacibdir.
