"Binə qəsəbəsində yerləşən 334 saylı tam orta məktəbdə, 10-cu sinifdə təhsil alan oğluma qarşı sinif yoldaşları bullinq edib. Bədən tərbiyəsi müəllimi Sahib Cəfərov da şagirdlərə qoşularaq oğlumu ələ salıb. Bu artıq neçənci haldır ki, oğlum müəllimlərin davranışından, yanaşmasından şikayət edir”.
Xeberle.com xəbər verir ki, bunu sosial şəbəkə hesabında yazıçı Cəlil Cavanşir yazıb. O qeyd edib ki, 10-cu sinifdə təhsil alan oğlu sinif yoldaşları tərəfindən bullinqə məruz qalıb. O bununla bağlı Təhsil nazirliyinə məlumata verməyə çakışsa da bu mümkün olmayıb:
"Təhsil Nazirliyinin qaynar xəttinə zəng edib, şikayət etdim, məni başdan elədilər, yönəltdilər Bakı Şəhər Təhsil İdarəsinə. Təhsil idarəsində də zənglərə cavab vermirlər.
İndi mənim 15 yaşlı oğlum bu bullinqə görə özünə nə isə etsə mən kimin yaxasından yapışmalıyam? Bu necə təhsil sistemidir? Nə düşünür bizim Emin müəllim? Nə vaxta qədər debilllər, vicdansızlar təhsil sistemində at oynadacaq?”.
Elşən Yəhyayev
Xəbərdən istifadə edərkən istinad etmək vacibdir.
