Sumqayıt şəhəri, 6-cı mikrorayonunda yerləşən "Rəndə-2” MTK-ya məxsus binanın 8-ci mərtəbəsində yaşayan Şirinova Zəhra Miraslan qızı Xeberle.com-a şikayət məktubu göndərib. 44 günlük Vətən müharibəsinin şəhidi, XTQ kapitanı Şirinov Kamilin həyat yoldaşı Zəhra Şirinova artıq 3 ildir ki, bu binada yaşadığını deyir. Onun sözlərinə görə, "Rəndə-2” MTK-ya məxsus yaşadıqları binanın lifti işləmir və bunu düzəltdirmək üçün heç bir tədbir görülmür:
"Mən və 3 ve 5 yaşlı övladlarımla birlikdə Sumqayıt şəhərində 6-cı mikrorayonunda "Rəndə-2” MTK-ya məxsus binanın 8-ci mərtəbəsində yaşayırıq. 44 günlük Vətən müharibəsində yoldaşım XTQ kapitanı Şirinov Kamilin şəhidliyindən sonra artıq 3 ildir bu binada yaşayırıq. Bizim problemimiz binamızın lifti və buna laqeyd yanaşma ilə bağlıdır. Son 10 ayda 3 ay liftimiz işləməyib və tez-tez işləmir. Ya kimsə liftdə qalır, ya da nasazlıqlar ortaya çıxır. İlk dəfə 2023-cü il fevral-mart aylarında 1 ay işləmədi. İki azyaşlı övladımla bağçaya və reabilitasiyaya getməkdən ötrü 8-ci mərtəbəni hər gün 4 dəfə çıxıb düşürdük. 2023-cü il 31 oktyabrdan 5 dekabra kimi yeniden işləmədi. Bu müddətdə mən Sumqayıt şəhər İcra Hakimiyyətinə sakinlərin ərizəsi ilə bərabər müraciət etdim və bizə bu binanın MTK-ya məxsus olduğunu və heç bir kömək edə bilməyəcəklərini bildirdilər. Ancaq vəziyyətimizin ağır olduğunu nəzərə alıb, liftə yeni motor alınması üçün binada MTK təyin etdiyi "komendant” vəzifəsini yerinə yetirən şəxsə 1800 manat verirlər və sakinlərdən pul yığılır. MTK sədri müəyyən dəstək göstərir motor alınır…Amma, bu zaman lift heç 1 həftə işləmir. Ondan sonra bu güne kimi lift işləmir. "Artıq heç nə edə bilmərik bir dəfə kömək etdik” deyirler. Komendanta zəng olun duqda ise o deyir: "mən bu binada heç kiməm, mənim komendant olduğuma dair sənəd yoxdur” deyir. Artıq 2 aydan çoxdur ki, binadakı yaşlılar, xəstə insanlar ,körpə uşaqlılar bloklarında pəncərəsi olmayan, 11 mərtəbəli binanın pilləkənləri ilə enib düşürlər. Bizə heç kim kömək etmir, MTK isə bu illər ərzində hər ay binadan komendant adı ilə yığdığı binada heç bir işlə görməyib, lift artıq sıradan çıxıb. Sakinlərlə müəyyən məbləğ topladıq ki, lifti düzəldək. Amma, onun bütün mexanizmləri sıradan çıxmış haldadır. Bu gün guya işləməyə başlayan liftdə artıq bütün mərtəbələrdə sakinlər qalıb və qapılar açılmayıb.
Qeyd edim ki, MTK sədri Abbasov Ziyadxandır. Hazırda binada xeyli sakin ondan "pul vermədiyi üçün” evə sənəd ala bilmir və nəticədə evinə qaz verilmir. İllərdir ki, qaz olmadan o binada yaşayır. Lift çox köhnədir. Bundan Ziyadxan Abbasov da xəbərdardır. Bizim əziyyet çəkdiyimizi bilə-bilə biganədir. Eyni zamanda illərdir ki, binamızın mansarında "Sazz” internətə məxsus stansiya antenaları var. Bu isə yaşayış binasında olması mümkün olmayan vəziyyətdir. Çünki ən başlıcası binadakı sakinlər və ətraf ərazilər şüalanmaya məruz qalır. Həmin antenalardan isə hər ay kirayə haqqı alan MTK sədri binadakı sakinlərin pul verib lifti düzəltməyini gözləyir. Lakin, binamızda qazandığı o pulu özündə evlerinin olduğu bu binaya xərcləmək istəmir”.
Xəbərdən istifadə edərkən istinad etmək vacibdir.
