Mən tanınınmağı, məşhur olmağı heç arzulamamışdım. Sosial şəbəkələrdə paylaşılan,məni ilk dəfə geniş auditoriyaya tanıdan mahnı "Böyük dayaq” filmində Flora Kərimovanın səsləndirdiyi "Pərişanın” mahnısı oldu. Bu görüntüləri mətbəxdə rəsm çəkərkən anam çəkib paylaşmışdı.

-Özündə musiqi istedadının olduğunu necə kəşf etdin?

Mən əslən Laçındanam. Atam Laçında, Anam Şuşada doğulub. Bu səs görünür ki, mənə o torpaqların suyundan, havasından genlə ötürülüb. Səsimin olduğunu ilk dəfə anam kəşf edib.Hələ 6-7 aylıq olarkən anamın oxuduğu laylalara, televiziyalarda səslənən musiqilərə marağım çox yüksək olub.

-Müəyyən bir dövrdən sonra Nuray Şahsuvarlı hansı mahnı ilə yaddaşda qalmaq istəyər?

Yaddaşlarda ilk tanındığım mahnı ilə "Pərişanın mahnısı" ilə qalmaq istərdim.

-Həm Azərbaycan, həm də Türkiyədə ifanın bu qədər rəğbətlə qarşılanacağını düşünürdünmü?

Məni Azərbaycan ilə yanaşı Türkiyədə, Cənubi Azərbaycanda da sevirlər, bu məni çox sevindirir.

-Hansısa musiqi məktəbində təhsil alırsan?

2012-ci ildə doğulmuşam. Məni istedadlı şagird kimi 6 yaşımda Sumqayıt şəhər Bülbül adına uşaq incəsənət məktəbinə qəbul ediblər. Burada xanəndə müəllimim Əsgər İsmayılovdur.

-Ailədə səndən başqa musiqi istedadı olan varmı?

Ailədə bir qardaş, bir bacıyıq. Qardaşım DİA-nın I kurs tələbəsidir. O, eyni zamanda tar sinfinidə bitirib, lakin musiqi ixtisasını davam etdirməyib.

-Dərslərini necə oxuyursan?

Mən Sumqayıt şəhər İsmət Qayıbov adına 1 nömrəli tam orta məktəbin 6-cı sinif şagirdiyəm. Dərslərimi əla oxuyuram. Sinif əlaçısıyam.

-Ən sevdiyin fənn hansıdır?

Ən çox sevdiyim fənn riyaziyyat fənnidir.

-Asudə vaxtını necə dəyərləndirirsən?

Boş vaxtlarımda oyunlar oynayıram, qiraət edirəm və şeirlər əzbərləyirəm.

-Gələcək haqqında hansı planların var?

Mahnı oxumağı da çox sevdiyim üçün bu sahəni də davam etdirmək istəyirəm.

-Sumqayıtda hansı məkanları sevirsən?

Mən şəhərimizi çox sevirəm. "Göyərçin" parkında gəzməyi, əylənməyi çox sevirəm.

-Şəhərimizdə hansı dəyişikliklərin olmasını istəyərsən?

Yollarımızın, nəqliyyatımızın yaxşı çalışmasını istərdim. Mən Stansiya Sumqayıt ərazisində yaşayıram. Şəhərdən kənarda yaşadığımız üçün bu narahat yollarda vaxt itkimiz çox olur.

- Bizə vaxt ayırdığın və müsahibə verdiyin üçün təşəkkürümüzü bildiririk.

Mən də sizə müsahibə üçün böyük təşəkkürümü və minnətdarlığımı bildirirəm. Müəllimlərimə və oxuduğum məktəbə də təşəkkür edirəm.

Söhbətləşdi: Elşən Yəhyayev