Ətrafımızdakı insanların gün keçdikcə daha əsəbi, hirsli olması günümüzün danılmaz faktıdır. Bu gün cəmiyyətimizdə yetərincə aqressiv adamlar var. Hətta vəziyyət o yerə çatıb ki, yolda gülümsəyən insana dəli kimi baxırlar. Cəmiyyətimizdə təkcə böyüklərdə yox, azyaşlılarda da aqressiya müşahidə olunur.
Gündəlik baş verən kriminal hadisələrin çoxluğundan qənaətə gələ bilərik ki, bu gün insanlarda aqressiya, gərginlik və müxtəlif psixoloji problemlər artıb. Bu problemlər daha çox ailə mühitində ortaya çıxır. İnsanlar bəzən cəmiyyətdə bunu maskalaya bilirlər, ancaq ailədaxili münasibətlərdə özünü daha qabarıq göstərir. Ailədaxili münaqişələr isə hər zaman olub, lakin son zamanlar qətllə nəticələnən hadisələrin sayı xeyli artıb desək yanılmarıq.
Bəs görəsən, insanlarda aqressiyanın yaranmasına səbəb nədir?
Xeberle.com-un əməkdaşı mövzu ilə bağlı psixoterapevt və elmi-lədun bilicisi Paşa Yaqubla həmsöhbət olub. O qeyd edib ki, qətllə nəticələnən ailədaxili münaqişələrin sayının artması cəmiyyətimizdə insanların psixoloji vəziyyətlərinin heçdə yaxşı olmadığını göstərir.
Ətraflı video sujetdə izləyə bilərsiniz.
Elşən Yəhyayev
Xəbərdən istifadə edərkən istinad etmək vacibdir.
