Rusiyada yaşayan Olesya Roqovan həyat yoldaşı Rodionov Afiz Afizoviçin atasını axtarır.
Xeberle.com-un məlumatına görə, o bu barədə sosial şəbəkə hesabında yazıb. Olesya Roqovan qeyd edib ki, həyat yoldaşı 21 iyun 1990-cı il təvəllüdlüdür, 1992-ci ildən internat evində yaşayıb. Anasının adı Marina Nikolaevnadır. Rodionov Afiz Afizoviç ata və anası haqqında məlumatları yaxşı xatırlamır.
O qeyd edib ki, axtardığı qayınatasının adı ya Afiz, ya da Hafizdir. Soyadı Mürsəlovdur. Atasının adı isə Heydərdir. 1969-cu il təvəllüdlüdür.
Olesya Roqovan onu da bildirib ki, qayınatası hərbi xidmətə qədər Sumqayıt şəhərində yaşayıb. Amma sonra Dağıstana da köçə bilər. Onun barədə yalnız bu məlumatlara malikik.
Elşən Yəhyayev
Xəbərdən istifadə edərkən istinad etmək vacibdir.
