Sumqayıt şəhəri, 13 saylı orta məktəbin ikinci sinif şagirdi olan İlahə Əlimusayeva 3 yaşından gimnastika ilə məşğul olub. Ancaq ailəsi onun dəcəl olduğunu nəzərə alaraq, karate üzrə məşğələlərə yazdırır. Qısa müddət ərzində uğurlu nəticələr əldə edən İlahə bir çox yerli və beynəlxalq yarışlarda iştirak edib. Ötən həftə Gürcüstanda karate üzrə dünya çempionatı keçirilib. Karatenin dörd növü üzrə keçirilən çempionatda 52 ölkədən 1800 idmançı iştirak edib. Azərbaycan bu çempionatda 200-dən çox nümayəndə ilə təmsil olunub. İlahə gürcü rəqibinə qalib gələrək birinci yerə yüksəlib: "Orada bir gürcü qızı ilə qarşılaşdım. Əvvəl uduzurdum, sonra qarşıma məqsəd qoydum ki, mən ona qalib gələcəyəm. Sevincimi ilk olaraq müəllimimlə bölüşdüm, sonra anama zəng vurdum”. Dərslərində də seçilən İlahə gələcəkdə həkim olmaq istədiyini deyir. (yukselis.info)