Sumqayıtın Dəmir Yolu Stansiyası uzun müddətdir ki, bərbad vəziyyətdədir.  
Bildiyiniz kimi artıq  Bakı-Sumqayıt dəmir yolu xətti təmir olunur və iyunun 5-də istifadəyə veriləcək. Yol təmiri başa çatdıqdan sonra stansiyada əsaslı təmir işlərinə başlanılacaq. Tezliklə burada şəhər sakinlərin rahatlığını təmin edən gözəl stansiya olacaq.
Üstəlik stansiyada sərnişinlərin rahatlığını təmin etmək üçün yeniliyə də imza atılır.   "Azərbaycan Dəmir Yolları” QSC-nin mətbuat xidmətinin rəhbəri Nadir Əziməmmədov  Xeberle.com-a bildirdi ki, dəmiryol  ərazisində platforma da inşa olunur. Belə ki, artıq ərazidə qazıntı işlərinə başlanılıb və yaxın zamanlarda platforma inşa olunaraq sərnişinlərin ixtiyarına veriləcək: "Bu da sərnişinlərin həm təhlükəsizliyini, həm də rahatlığını təmin etmiş olacaq. Həmçinin vağzalın əsas binasında rekonstruksiya işləri aparılır."
Xeberle.com-un fotoqrafı Kamran Kazımzadənin ərazidən çəkdiyi fotoları təqdim edirik.
Xeberle.com