Bir vaxtlar Sumqayıt şəhər İcra Hakimiyyətinin binası qeyri-adi yaşıl örtüyü ilə nəinki Respublikamızda, eləcə də bütün SSRİ və yaxın ölkələr arasında məşhurluq qazanmışdı. Sumqayıtın simvollarından sayılan bu binanın örtüyü bir neçə il öncə baxımsızlıq ucbatından məhv olub tarixin arxivinə qovuşdu...
Maraqlı burasındadır ki, demə, Sumqayıtda daha bir bina sarmaşıq örtüyünə bürünüb. Corat qəsəbəsində rus botanikin vaxtilə yaşadığı evin bir hissəsi bizə hardasa Sumqayıt şəhər İcra Hakimiyyətinin binasının əvvəlki görkəmini xatırlatdı. Və təəccüblüsü burasındadır ki, bu binanın tikilmə tarixi və sarmaşığın əkilməsi nisbətən daha əvvəlki vaxtlara gedib çıxır. Elə isə, nə üçün Sumqayıt şəhər İcra Hakimiyyətinin ovaxtkı rəhbərliyi binanın üzərindəki sarmaşığın ömrünün 50-55 il olduğunu və bunun məhv olma səbəbini baxımsızlıq ucbatından deyil, yalnız bitkinin bioloji ömrünün başa vurması ilə əlaqələndirib...
Nəticəni siz çıxarın, əziz Sumqayıt sevərlər!

Elnur Ağayev
Xeberle.com