Sumqayıt TV bu dəfə şəhər sakinlərinə maraqlı sualla müraciət edib. Bu dəfə respondentlərə "Yaşadığınız ərazinin deputatını tanıyırsınız?" sualı verilib. Rəyi soruşulan əksəriyyətli yaşadıqları ərazinin deputatın tanımadıqlarını bildiriblər. Respondentlərin çoxusu hesab edir ki, deputat asfalt çəkmək, binanın zirzəmisini düzəltməklə məşğul olmalıdır. Maraqlı odur ki, bu kommunal problemlərin həlli icra qurumlarının səlahiyyətindədir. Belə bir fikirin formalaşmasına səbəb olanlar isə məhz deputatlardır. Çünki deputat seçilmək istəyən şəxslər əhali ilə keçirilən görüşlər zamanı seçicilərə yağlı vədlər verir, ərazidə mövcud olan problemləri həll edəcəklərinə söz verirlər. Seçiləndən sonra isə vədlərinə xilaf çıxırlar. Belə olan təqdirdə isə seçicilərdə belə rəy formalaşır ki, deputat asfalt çəkmək və digər kommunal problemlərin həlli ilə məşğul olmalıdır. Nə qədər acı olsa da  bu bir reallıqdır.