Sumqayıtda "Qurd dərəsi” deyilən, rəsmi adı "Sumqayıt bağları” olan ərazinin su təchizatı sistemi plastik yuksək təzyiqli borularla dəyişdirilib.
"Azərsu” nun "tender" ini qazanan təcrübəsiz bir türk şirkəti əhəmiyyətliu və məsuliyyətli işi ərazidə yaşayan fəhlə və ustalara gördürüb. Əsas problemdə elə bundan sonra başlayıb. Belə ki, bütün ərazidə boru qaynaqları keyfiyyətsiz olduğundan yüksək təzyiqə tab gətirməyərək su buraxıb.
Teref.info yazır ki, təkcə "Sumqayıt bağları” ərazisində 3 milyon ABŞ dollar dəyərində plastik boru döşənib və qaynaq olunub ki, o da istifadəyə yararsızdır. Bununla da dövlətin külli miqdarda pulu göyə sovurulub: "Bağlarda hətta elektron sayğaclar quraşdırılıb və plastik kartlar belə paylanıb. Lakin heç bir səlahiyyətli şəxs təzə xətlə suyun nə vaxt veriləcəyini bilmir. Yerli əhalinin dəfələrlə Sumqayıt şəhər İcra Hakimiyyətinə, "Azərsu”nun Sumqayıt idarəsinə, "Qaynar xətt”ə müraciət erməsinə baxmayaraq heç bir cavab verilməyib.”