Həmişə işdən sonra bura gəlib kişi kampaniyasında dincəlmək, idman kanallarına baxmaq, pivə içmək və sevimli komandaya azarkeşlik etmək olar. Burada pivə həvəskarları öz sevimli içkilərindən içə-içə dostlarının əhatəsində maraqlı vaxt keçirə bilərlər. Yəqin ki, artıq anladınız ki, söhbət pablardan gedir.

Başqa mədəniyyətə və mentalitetə malik olmağımıza baxmayaraq artıq xeyli vaxtdır ki, şəhərimizdə pablar geniş yayılıb. Razılaşın ki, ağır iş günündən sonra və ya bekar axşamlarda "öz Pabını", sevimli məkanını, sakit limanını tapmaq çox vacibdir. Beləliklə, çox danışmadan şəhərimizin ən maraqlı və gözəl dizaynlı pabını təqdim edirik.

Şəhərin 9-cu mikrorayonunda "Aygün" şadlıq evinin yaxınlığında yerləşən "Corona PUB" məhz sizlər üçündür. Bu pab sakit və komfortlu atmosferi ilə fərqlənir. Barda müxtəlif içki məkanlarında istifadə olunan elementlər toplanıb. Dizaynerin uğurlu rəng seçimi, düzgün işıqlandırma işi, yaxşı seçilmiş içkilər – bütün bunlar məkanın müvəffəqiyyətinin səbəbidir.

"Corona PUB" dostlarla görüşün ideal məkanı, səs-küylü dost əhatəsi üçün əla yerdir. Restoranın interyeri pab ənənəsinə uyğun hazırlanıb: taxta oturacaqlar və palıddan hazırlanmış masalar, divarların və döşəmənin taxta örtükləri, dekorun taxta elementləri və az tutqun işıq – bütün bunlar rahatlığın və qonaqpərvəliyin təkrarsız atmosferini yaradır.

Bu paba gedib onun təkrarsız aurasından zövq almaq əsl istirahətdir. Pabın atmosferi dincəlməyə və yaxşı pivə içərək söhbət etməyə uyğundur. Bunu hiss etmək üçün mütləq bu yerlərə baş çəkmək lazımdır.
Bu məkanda həmçinin müxtəlif kokteyllər dətəklif edilir.

Ünvan: Sumqayıt şəhəri, 9-cu mikrorayon, "Aygün" şadlıq evinin arxa hissəsi

Telefon: 055 912 09 39