Sumqayıt Dövlət Universitetinin əməkdaşları tərəfindən Mini lab rəqəmsal/analoq treyner (qısaca - Mini-lab SDU) adlanan elektron cihaz hazırlanıb. SDU-nun Mətbuat Xidmətindən Xeberle.com-a verilən məlumata görə, analoji cihazlardan Qərb universitetlərində, kolleclərdə elektronika və avtomatika mühəndisliyi hazırlığında istifadə olunur.
Ölçülərinə və funksiyalarına görə xarici analoqlarından fərqlənən Mini-lab SDU nəzəriyyənin praktikaya tətbiqini asanlaşdırmaqla yanaşı, tələbələrə praktiki vərdişlər əldə etmək imkanı da yaradır. Həm elmi və tədris laboratoriyalarında, həm də ev şəraitində istifadə oluna bilər. Mini-lab dövrələri qurmaq və test etmək üçün lazım olan test cihazlarını özündə birləşdirir.
Tələbələrin belə tədris texnologiyalarından istifadəsi gələcəkdə mühəndis kadrlarının sənayenin müxtəlif sahələrində daha uğurla çalışmasını imkan verməklə yanaşı, universitetlərdə də tələbə yaradıcılıq fəaliyyətini xeyli canlandırır.
Hazırda universitetin Fizika və elektroenergetika və Mühəndislik fakültələrini müvafiq ixtisas kafedralarını Mini-lab cihazı ilə təmin etmək məqsədilə işlər aparılır. Ehtiyac olduğu halda ölkəmizin digər ali məktəbləri üçün də bu cihazdan hazırlana bilər.
Xəbərdən istifadə edərkən istinad etmək vacibdir.
