Sumqayıtın "Dejurnı" adlanan ərazisində, yaşayış binasının
qarşısında ağac aşsa da yeni icra başçısı Zakir Fərəcovun yeni
təyinatının təsirindən çıxa bilməyən bəzi məmurlar öz yarıtmaz işləriylə
dilə - dişə düşəcəklərindən bixəbərdilər...
İddialara
görə, aşan ağac sakinlərin gediş - gəlişi üçün əməlli - başlı əngəl
törədib. Sakinlər gileylənirlər ki, əlaqədar qurumlara vaxtında zəng
edib məlumat vermələrinə baxmayaraq kimsədən xəbər çıxmayıb. Hətta
iddialara görə bu ağac artıq 4 gündür ki, "intizarla" əraziyə baxan
müvafiq qurum əməkdaşlarının yolunu gözləyir.
Qeyd edək ki, sakinlər əməkdaşımıza Sumqayıtda aşmaq təhlükəsində olan xeyli sayda ağac
olduğunu bildiriblər. Onların əsas narahatçılığı ondan ibarətdir ki, bu
ağaclar vaxtında budanmasa sakinlərin həyatı üçün təhlükə ola bilər.
Necə ki, bir il öncə Bakının Nizami rayonu ərazisində ağac ana və
balasının üstünə aşmışdı, nəticədə hər ikisi dünyasını dəyişmişdi. (moderator.az)
Xəbərdən istifadə edərkən istinad etmək vacibdir.
