Hazırda dünya ölkələrini bəlkə də atom silahı qədər narahat edən xəstəliklər var. Məsələn, SPİD, şəkərli diabet, xərçəng, ağ ciyər xəstəlikləri dünyanı əməlli-başlı həyəcanlandırır. Hətta Ümumdünya Səhiyyə Təşkilatı bu cür xəstəliklərin qarşısını almaqda müəyyən mənada acizdir. Azərbaycan vətəndaşları daha çox qeyri-infeksion xəstəliklərə yoluxur və ölüm faktları da bu zaman baş verir. Səhiyyə Nazirliyi də qan dövranı sistemi (ürək-damar), tənəffüs orqanları, endokrin sistemi (şəkərli diabet), bədxassəli yeni törəmələrin (xərçəng şişləri) kimi xəstəliklərin üstünlük təşkil etdiyini açıqlayıb. Dövlət Statistika Komitəsindən bildirilib ki, 2014-cü ildə Azərbaycanda qan dövranı sistemi xəstəliklərinə 140433 nəfər, tənəffüs orqanları xəstəliklərinə 741198 nəfər, endokrin sistemi xəstəlikləri, maddələr mübadiləsi və qidalanma pozuntularına 51099 nəfər, yeni törəmələrə 11011 nəfər yoluxub.
Xeberle.com-un araşdırmasına görə, hazırda Sumqayıtda rəsmi qeydiyyatda olan 2332 onkoloji, 8000 şəkər xəstəsi, 470 vərəm xəstəsi var.