Sumqayıt şəhərinin mərkəzində soyuq silahın açıq satışı həyata keçirilir. Təqdim etdiyimiz bu foto Sumqayıt şəhərində yerləşən Nizami Gəncəvi adına kinoteatrın qarşısında çəkilib.Sözügedən ərazidə qiyməti 3-5-10 manata olan bıçaqlar satılır.

Gün ərzində ölkə ərazisində baş verən qarət, adam öldürmə kimi cinayət hadisələrinin böyük əksəriyyətinin məhz soyuq silahla törədildiyini nəzərə alsaq, bu cür vasitələrin açıq-aşkar şəkildə satılmasının nə dərəcədə təhlükə olduğunu anlamaq o qədər də çətin deyil. Yəni bir sözlə, hansısa gənc həvəs üzündən bu gün maraq üçün 5-10 manata aldığı bıçaqla sabah qəzəbləndiyi halda istənilən şəxsi öldürərək qatilə çevirilə bilər. Lakin maraqlı olan da budur ki, sözügedən ərazidə bıçaqlar açıq aşkar-şəkildə satılsa da nə Post Patrul Xidmətinin əməkdaşları, nə də ki, sahə müvəkkilləri bu işə mane olmurlar.

Xəyal Şükür
Foto: Sübhan Arifoğlu