Sumqayıtda bir gündə 16 nəfəri it dişləyib.
Məsələ sakinlər arasında ciddi narahatlığa səbəb olub. Sumqayıtda sahibsiz it bir-birinin ardınca 16 nəfərı dişləyib. İtin hücumuna məruz qalan İsmixan Məmmədov deyir, son zamanlar Sumqayıtda küçə itlərinin sayı çoxalsa da, itlər insanlara toxunmurdular. Amma bu dəfə belə olmayıb. İtin dişlədiyi insanlar müxtəlif yaş qruplarındandılar. Onların arasında uşaqlar da var. Xoşbəxtlikdən Şahin Əliyev itin dişindən canını qutara bılıb. Sumqayıt şəhəri təcili tibbi yardım xəstəxanasında da faktı təsdiqləyiblər. Bildiriblər ki, it dişləməsi ilə bağlı daxil olan xəstələrin sayında artım var. Qeyd edək ki, hadisə 13-cü mıkrorayonla 16-cı mikrorayonun kəsişməsindəki ərazidə baş verib. Faktla bağlı hansı tədbirlərin görülməsi barədə məlumat almaq üçün şəhərin rəsmi qurumlarına müraciət etsək də, doğru-düzgün cavab verən tapılmadı. Hər bir qurum məsuliyyəti digərinin üzərinə atdı. Görünən budur ki, Sumqayıt sakinləri hələ bir müddət it dişləməsi həyəcanı ilə yaşayacaqlar.