Bu gün sənaye müəssisələrini və şəhər təsərrüfatının bütün sahələrini idarə edənlər demək olar ki, Sumqayıtın özündə yetişmiş yüzlərlə, minlərlə bacarıqlı kadrlardır. Heç də təsadüfi deyildir ki, Sumqayıtı respublika üçün kadrlar hazırlayan laboratoriya da adlandırırlar. Sumqayıtda müxtəlif vəzifələrdə işləyərək böyük təcrübə əldə etmiş neçə-neçə yüksək ixtisaslı mütəxəssis respublika səviyyəsində vəzifələrdə işləməyə irəli çəkiliblər. Onları bir yerə toplayanda böyük bir siyahı alınır. Xeberle.com əldə etdiyi məlumatlara əsaslanaraq həmin siyahını təqdim edir:

Sumqayıtda "Zaqafqaziya sənaye tikinti” trestinin ilk azərbaycanlı rəisi Mehbalı Əmiraslanov Azərbaycan Respublikası Nazirlər Soveti sədrinin Birinci müavini vəzifəsinə;

Sumqayıt şəhər Partiya Komitəsinin birinci katibi Kamran Hüseynov Respublika Həmkarlar İttifaqı Şurasının sədri, Ümumittifaq Həmkarlar İttifaqı Mərkəzi Şurasının katibi, Respublika Nazirlər Soveti sədrinin müavini vəzifələrinə;

Sumqayıt "Sintetik kauçuk” zavodunun sex rəisi Süleyman Tatlıyev Azərbaycan SSR Ali Soveti Rəyasət Heyətinin sədri vəzifəsinə;
Sumqayıt şəhər Partiya Komitəsinin birinci katibi Kamran Bağırov Azərbaycan Kommunist Partiyası Mərkəzi Komitəsinin birinci katibi vəzifəsinə;

Sumqayıt şəhər Partiya Komitəsinin ikinci katibi Ramiz Məmmədzadə Azərbaycan KP MK katibi vəzifəsinə;
Sumqayıt şəhər Partiya Komitəsinin birinci katibi Həsən Həsənov Azərbaycan KP MK-nın katibi vəzifəsinə;

Sumqayıt şəhər İcraiyyə Komitəsinin sədri Zülfü Hacıyev Naxçıvan Muxtar Respublikası Nazirlər Sovetinin sədri, sonra Sumqayıt şəhər Partiya Komitəsinin katibi, daha sonra Azərbaycan Respublikası Nazirlər Soveti sədrinin müavini vəzifələrinə;

Aydın Məmmədov Tikinti trestinin komsomol komitəsinin katibi vəzifəsindən Azərbaycan SSR Komsomol Təşkilatının Birinci katibi vəzifəsinə;

Sumqayıt şəhər Partiya Komitəsinin təlimatçısı Liya Abalımova Mingəçevir şəhər Partiya Komitəsinin ikinci katibi vəzifəsinə;

Sumqayıt şəhər Partiya Komitəsinin birinci katibi Sabit Abbasəliyev Azərbaycan Nazirlər Soveti sədrinin müavini, Dövlət Plan Komitəsinin sədri, sonra Respublika Dövlət Statistika Komitəsinin sədri vəzifələrinə;

Sumqayıt şəhər Partiya Komitəsinin birinci katibi Şənlik Əliyev Azərbaycan Respublikası Xalq Nəzarəti Komitəsinin sədri vəzifısinə;

Sumqayıt şəhər İcraiyyə Komitəsi sədrinin birinci müavini Əli Həsənov Azərbaycan Respublikası Təbiətin Mühafizəsi və Ekologiya Komitəsinin sədri, Qaçqınlar və Məcburi Köçkünlər Komitəsinin sədri, Baş Nazirin müavini vəzifələrinə;

Sumqayıt Boruyayma zavodunun Partiya Komitəsinin katibi Ramazan Bədirov Qusar rayon Partiya Komitəsinin birinci katibi vəzifəsinə;

Sumqayıt şəhər Partiya Komitəsinin təlimatçısı İnqilab Abbasov Qazax rayon Partiya Komitəsinin birinci katibi vəzifəsinə;

Sumqayıt şəhər Partiya Komitəsinin təlimatçısı Sara Həkimova Əli-Bayramlı şəhər Partiya Komitəsinin ikinci katibi vəzifəsinə;

Sumqayıt Səthi Aktiv Maddələr zavodunun Baş direktoru, kimya elmləri doktoru Fikrət Sadıqov "Azərkimya” Dövlət Şirkətinin prezidenti vəzifəsinə;

Sumqayıt "Qiproxlor” Layihə İnstitutunun direktoru Fəridə Rüstəmbəyova Respublika Dövlət Plan Komitəsinin sədri vəzifəsinə;

Sumqayıt şəhər prokuroru İsmət Qayıbov Azərbaycan Respublikasının prokuroru vəzifəsinə;

İsa Nəcəfov Azərbaycan Respublikası prokurorunun birinci müavini, Konstitusiya Məhkəməsinin üzvü vəzifəsinə;

Sumqayıt şəhər prokuroru, hüquq elmləri doktoru Zakir Zeynalov Azərbaycan Respublikası Milli Məclisinin sədr müavini vəzifəsinə;

Sumqayıt şəhər prokurorunun müavini Ədalət Mirsalamov Bakı şəhər prokuroru vəzifəsinə;

Sumqayıt şəhər Partiya Komitəsinin şöbə müdiri Məmməd Əsədov Azərbaycan Respublikası Daxili İşlər Naziri vəzifəsinə;

Sumqayıt şəhər İcraiyyə Komitəsinin Daxili İşlər Şöbəsinin əməkdaşı Tahir Əliyev, Azərbaycan Respublikası Daxili İşlər Naziri vəzifəsinə;

Elçin Quliyev, general-polkovnik Azərbaycan Dövlət Sərhəd Xidməti rəisi vəzifəsinə;

Asif Cəbrayılov, general-mayor, Azərbaycan Dövlət Sərhəd Xidməti rəisinin müavini vəzifəsinə;

Fəxrəddin Səmədov DİN Daxili Qoşunlar Komandanının müavini vəzifəsinə;

Sumqayıt Məişət Kimyası zavodunun direktoru Təvəkgül Məmmədov "Azərikimya” Dövlət Şirkətinin birinci vitse-prezidenti, sonra Sumqayıt Şəhər İcra Hakimiyyətinin başçısı, daha sonra Mənzil Kommunal İstehsalat Birliyinin rəisi vəzifəsinə;

Zakir Fərəcov Sumqayıt şəhər Bələdiyyəsinin sədri vəzifəsindən Abşeron Rayon İcra Hakimiyyətinin başçısı, sonra isə Sumqayıt şəhər İcra hakimiyyətinin başçısı vəzifəsinə

Natiq Əmirov Sumqayıt şəhər Vergilər İdarəsinin rəisi vəzifəsindən Azərbaycan Respublikası Vergilər nazirinin müavini vəzifəsinə;

Sumqayıt 1 N-li Tikinti Trestinin müdiri Sabir Rzayev Azərbaycan Respublikası Sənaye Tikinti nazirinin birinci müavini, Bakı Baş Tikinti İdarəsinin müdiri vəzifəsinə;

Məhəmməd Məhərrəmov Sumqayıt Şəhər İcra Hakimiyyətinin şöbə müdiri vəzifəsindən Azərbaycan Respublikası Nazirlər Kabinetinin "Qaçqınların, məcburi köçkünlərin problemləri, miqrasiya və beynəlxalq təşkilatlarla iş” şöbəsinin müdir müavini vəzifəsinə;

Ənvər Əliyev Tikinti trestinin müdiri vəzifəsindən "Azərsənayetikinti” SC-nin sədri vəzifəsinə;

Sumqayıt "Netfqazavtomat” EİB-nin direktor müavini, akademik, texnika elmləri doktoru, professor Tofiq Əliyev Azərbaycan Neft-Kimya İsntitutunun rektoru vəzifəsinə;

Sumqayıt "Elektrik Dəstələşdirmə Zavodunun” direktoru Malik İsaqov Qubadlı Rayon İcra Hakimiyyətinin başçısı vəzifəsinə;

Mönsüm Alışov Sumqayıt şəhər Qızlar Sеminariyasının direktoru vəzifəsindən Bakı Pedaqoji Kadrların İxtisasartırması və Yenidən Hazırlanması İnstitutunun prorektoru vəzifəsinə;
Sumqayıt Dövlət Universitetinin məzunu Əlixan Osmanov Bakı Metropoliteninin baş energetiki vəzifəsinə;

Sumqayıt Dövlət Universitetinin məzunu Oktay Camalov Bakı şəhər Nəsimi rayonu İcra Hakimiyyəti başçısının müavini vəzifəsinə;

Emin Həsənov Sumqayıt şəhər Polis İdarəsinin şöbə rəisi vəzifəsindən Bakı şəhəri Binəqədi rayonu Polis İdarəsinin rəis müavini vəzifəsinə;

Nizami Qocayev Sumqayıt şəhər Polis İdarəsinin şöbə rəisi vəzifəsindən İsmayıllı rayon Polis İdarəsinin rəisi vəzifəsinə;

Nizami Əlirzayev Sumqayıt şəhər Polis İdarəsinin şöbə rəisi vəzifəsindən Xaçmaz rayon Polis İdarəsinin rəisi vəzifəsinə;

Sumqayıt "Neftqazavtomat” EİB-nin şöbə müdiri Tofiq Əhmədov Bakı Zərgərlik zavodunun direktoru vəzifəsinə;

"Kommunist Sumqaita” qəzetinin əməkdaşı Famil İsmayılov Londonda "Bi-Bi-Si” radiosunun "Qafqaz və orta Asiya” redaksiyasının Baş prodüseri, sonra "Russkaya slujba” redaksiyasının məsul əməkdaşı vəzifəsinə;

Sumqayıt şəhərində orta məktəb müəllimi Rəna Əhədova Böyük Britaniyada "London İqtisadiyyat Məktəbi (London Universiteti)”-nin Elmi kitabxanasında şöbə müdiri vəzifəsinə;
Davud İmanov Sumqayıt Radio verilişləri redaksiyasının müxbiri vəzifəsindən "Mir" televiziyasının Azərbaycan Bürosunun Baş direktoru, 

"Kommunist Sumqaita” qəzetinin şöbə müdiri vəzifəsinə;
Gennadi Qluşkov respublikanın "Vışka", sonra isə "Bakinski raboçi" qəzetlərinə baş redaktor vəzifəsinə;
Sumqayıt Alüminium zavodunun direktoru Tofiq Həsənov Respublikanın "Əlvanmetal" Baş İdarəsinin rəhbəri, sonra isə Azərbaycanın Metallurgiya naziri vəzifəsinə;
Sumqayıt Superfosfat zavodunun direktoru Nərçə Ağayev Respublika Kənd Təsərrüfatı Nazirliyində İdarə rəisi vəzifəsinə;
Rəhman Məmmədov (Rəhman Orxan) "Metallurq" qəzetindən Azərbaycan KP MK-sının "Vışka" qəzetinə müxbir, MDB-də və uzaq xaricdə yayılan "Bakinets" qəzetinin baş redaktoru, daha sonra isə respublikanın "Azərikimya" Dövlət Şirkətinə (sonradan - "Azərikimya" İB) Mətbuat xidmətinin rəhbəri vəzifəsinə;
Faiq Hüsiyev Azərbaycan Dövlət Televiziyasında müxbir, "Yurd” mübadilə proqramları Baş redaksiyasının redaktoru, televiziyanın "Ədəbiyyat və publisistika” redaksiyasında  redaktor, "Beynəlxalq proqramlar” redaksiyasında böyük redaktor, "Müəllif proqramları” departamentinin rəisi, "İnformasiya proqramları” studiyasının direktoru vəzifəsindən Azərbaycan Televiziya və Radio Verilişləri QSC-nin sədr müavini vəzifəsinə, hazırda isə Televiziya Akademiyasının rektoru;
Pərviz İsgəndərli Sumqayıt şəhər Gənclər və idman Baş İdarəsinin gənclərlə iş üzrə sektor müdiri vəzifəsindən, Sumqayıt şəhər İcra Hakimiyyəti başçısının köməkçisi, sonralar isə Mədəniyyət və Turizm Nazirliyinin Regionlarla iş sektorunun müdiri vəzifəsinə;
Emin Hüseynov Azərbaycan Milli Bankinin baş direktoru, sonralar isə Azərbaycan Diplomatiya Akademiyasının prorektoru vəzifəsinə;
Yazıçı, jurnalist Varis Yolçuyev  "168 saat” qəzetinin baş redaktorluğundan, "7 gün" qəzetinə redaktor, Azərbaycan Dövlət Televiziyasının "Gecə kanalı" proqramının yaradıcısı, Azərbaycan Respublikası Prezidentinin İşlər İdarəsinin "Azərbaycan" nəşriyyatına baş redaktor, sonra isə  "Azərbaycan Televiziya və Radio Verilişləri" QSC-də  Dövri Nəşrlər və Sosioloji Araşdırmalar Departamentinin direktoru və Azərbaycanda ilk "TV plyus" milli teleradio jurnalının baş redaktoru vəzifəsinə;

1960-69-cu illərdə Sumqayıt Kimya Kombinatının tikintisinə rəhbərlik etmiş və onun ilk direktoru olmuş Rzaqulu Ağasiyev sonralar Azərbaycan Dövlət Neftayırma və Neft-Kimya Müəssisələrinin Layihələşdirilməsi İnstitutunun direktoru olmuşdur. Son illərdə "Şöhrət” ordeninə və Prezident təqaüdünə layiq görülmüşdür.
Sumqayıt məktəblərində riyaziyyat müəllimi və məktəb direktoru kimi çalışmış İskəndər İskəndərov uzun illər Azərbaycan Təhsil nazirinin müavini olmuşdur.
30 ilə qədər Sumqayıtın səhiyyə sistemində çalışan, şəhərin baş nevropatoloqu olan tanınmış həkim Vahid Məmmədov artıq neçə illərdir ki respublikanın Bioloji Təbabət Klinikasında baş həkiminin müalicə üzrə müavinidir.
"Kimyaçı” qəzetinin redaktoru Oqtay Cəfərov 1970-80-ci illərdə respublika "İnşaatçı" qəzetinin baş redaktoru olmuşdur.
Sumqayıt Radio Verilişləri redaksiyasının redaktoru olmuş şair Vaqif İbrahim SSRİ-də ilk dəfə olaraq Sumqayıtda Əli Kərim adına Poeziya klubunu yaratmış, sonralar respublikanın ictimai-ədəbi «Ulduz» jurnalının əməkdaşı, «Göyərçin» jurnalının məsul katibi, Azərbaycanda ilk dəfə yaradılmış Respublika Ədəbi Birliyinin rəhbəri olmuşdur. Respublika Lenin komsomolu mükafatı, M.Qorki adına Ümumittifaq mükafatı laureatı, BAM-ın Fəxri inşaatçısı, Azərbaycanın Maarif Əlaçısı idi. SSRİ Yazıçılar İttifaqının üzvü və Azərbaycan Yazıçılar İttifaqının İdarə Heyətinin üzvü olan Vaqif İbrahim həm də Sovet-Bolqar ictimai-ədəbi «Drujba» jurnalının SSRİ tərkibində olan müttəfiq respublikalardan həmin jurnalın redaksiya heyətinin üzvü olan yeganə şair idi. (1983-cü ildə erməni sürücünün vurduğu maşında faciəli şəkildə həlak olmuşdur).
Sumqayıt "Metallurq" qəzetinin müxbiri Sadiq Gözəlov sonralar Azərbaycan Televiziyasının Naxçıvan MR üzrə xüsusi müxbiri olub. Hazırda Daxili İşlər Nazirliyinin Mətbuat xidmətinin rəhbəri, polis polkovnikidir.
Əmək və jurnalistlik fəaliyyətinə Sumqayıtda başlamış Ağəddin Mansurzadə sonralar "Ulduz" jurnalında və "Bakı" qəzetində, "Kimyaçı" qəzetində çalışmış Zümrüd Baloğlanova respublikanın "Kirpi" satirik jurnalında şöbə müdiri olmuşlar.
Sumqayıtın yetirməsi olan daha bir jurnalist - Dağbəyi İsmayılov uzun illər "Bakı" qəzetində çalışmışdır, hazırda "AzərTAc"da Baş direktorun müavinidir, Azərbaycanın Əməkdar jurnalistidir.
Orta məktəbi Sumqayıtda bitirmiş jurnalist Orxan Mansurzadə Daxili İşlər Nazirliyinin Mətbuat xidmətində çalışır, polis polkovnik-leytenantıdır.
Şəhərimizin digər yetirməsi İmamverdi İsmayılov uzun illər AzTV-də işləmişdir, Milli Məclisin ardıcıl 5 çağırış seçilən deputatıdır.
"Kommunist Sumqaita"qəzetinin şöbə müdiri Valentin Lisitsın sonralar "Bakinski raboçi" qəzetinin əməkdaşı kimi çalışmışdır.
Sumqayıtda böyüyüb, boya-başa çatmış Viktoriya Dolinskaya Azərbaycan Radio və Televiziya Verilişləri Komitəsində çalışmışdır, hazırda İsrailin mərkəzi Televiziyasında işləyir, Azərbaycanla bağlı bir çox maraqlı veriliş və oçerklərin müəllifidir.
"Kommunist Sumqaita" qəzetinin redaktor müavini və şöbə müdiri olmuş Mark və Mixail Qorin qardaşları da sonralar Moskva mətbuatında çalışmışlar, hazırda İsraildə yaşayıb-yaradırlar.
Sumqayıtda inşaatçı kimi əmək fəaliyyətinə başlayaraq, 1 N-li Tikinti Trestinin idarələrindən birinin müdiri olmuş Sücəddin Abdullayev sonralar polkovnik-leytenant rütbəsində Azərbaycanın Sərhəd Qoşunları komandirinin müavini vəzifəsinə təyin edilmişdi. Hazırda ehtiyyatda olan polkovnikdir.
Sumqayıt Boru-prokat zavodunun poladəridəni Yaşar Abbasov SSRİ Ali Sovetinin deputatı olub. Hazırda Azərbaycan Həmkarlar İttifaqları Konfederasiyasında şöbə müdiridir.
Nurəddin Babayev 1958-75-ci illərdə Sumqayıt Kimya zavodunda maşinist, növbə rəisi, texnoloq, sex rəisi, baş mühəndis və zavod direktoru vəzifələrində çalışmış, 1975-87-ci illərdə Sumqayıt Üzvi Sintez Zavodunun direktoru vəzifəsində çalışmışdır. 1987-ci ildən Birliyin baş direktoru təyin edilmişdir. 1990-1995-ci illərdə Azərbaycan Respublikası Milli Məclisinin deputatı olmuşdur. 1995-1998-ci illərdə "Azərkimya" Dövlət şirkətitinin vitse-prezidenti işləmişdir. 10 il Sumqayit Şəhər Partiya Komitəsinin büro üzvü, beş il şəhər Soveti İcraiyyə Komitəsinin üzvü olmuşdur;
Jurnalistlik fəaliyyətinə Sumqayıtda başlayan Aidə Eyvazova əvvəllər "Space" TV-də bölgə müxbiri, sonralar isə Mərkəzi Asiya Respublikaları və Qazaxıstan Respublikası üzrə 2004-2006-cı illər Lider TV-nin, 2006-2013-cü illin sonuna kimi AzTV-nin xüsusi müxbir postunun rəhbəri olub.
İlham Məmmədzadə "Azadinform" İnformasiya Agentliyində jurnalist, "Yeni İqtisadiyyat" jurnalında araşdırmaçı, ölkənin bir sıra tanınmış sosioloji mərkəzlərində sosioloq kimi fəaliyyət göstərib, 2010-2014-cü illərdə Əmək və Əhalinin Sosial Müdafiəsi Nazirliyində çalışıb, nazirliyin İctimaiyyətlə Əlaqələr Şöbəsinin müdiri vəzifəsinə qədər yüksəlib. Hazırda böyük holdinqlərdən olan "Veysəloğlu"da departament müdiridir.
Ardı var...
Ramil Zeynallı, Xeberle.com

P.S. Xatırladaq ki, bu yazıda son illərin məlumatları nəzərə alınmayıb. Yazı "açıq"dır, tamamlanmayıb, istənilən təkliflər əlavə edilə bilər...