Sumqayıt şəhər 20 Yanvar küçəsində bir çox obyektlərin üzərində yerləşən reklam lövhələrinin sökülməsi ilə bağlı şikayət məktubu daxil olub. Şikayət məktubunda qeyd olunur ki, küçə boyunca obyektlərin üzrəində olan reklam materialları Sumqayıt şəhər 3 saylı Mənzil İstismar Sahəsinin əməkdaşları tərəfindən öncədən xəbərdarlıq edilmədən sökülüb.
Məsələ ilə bağlı Sumqayıt şəhər İcra Hakimiyyətinə müraciət etdik. Şəhər İcra Hakimiyyətindən bildirdilər ki, söküntü işləri «Reklam haqqında» Azərbaycan Respublikasının Qanununa uyğun olaraq aparılır.  Reklam işi şəhərlərimizin gözəlliyinə xidmət etməlidir. Təəssüf ki, şəhərdə obyektlərin üzərində gördüyümüz bir çox reklamlar şəhərin ümumi estetik görünüşünə xələl gətirir. Əcnəbi dildə yazılan, milli dəyərlərimizə zidd olan, şəhərin estetik görünüşünü pozan, reklam müqaviləsi olmayan bütün materiallar söküləcək.(sumqayitxeber.com)