Qarabağ uğrunda gedən döyüşlərdə həlak olan oğul və qızlarımızın adını əbədiləşdirmək, xatirəsini əziz tutmaq üçün Azərbaycanın bütün bölgələrində, eləcə də Sumqayıt şəhərində abidələr qoyulub, bulaqlar tikilib, parklar salınıb. Çünki hər şəhid Vətənin mənəvi ucalığıdır. Onlar ölməzdirlər!
Lakin son zamanlar şəhidlərin xatirəsinə ucaldılan abidələrə qarşı laqeyd yanaşılır, dağılan şəhid abidələrinə göz yumulur. Belə ki, Sumqayıtda 9-cu mikrorayon ev 11/17 saylı binanın yaxınlığında yerləşən və vətən uğrunda canlarını fəda edən 5 şəhidin xatirəsinə ucaldılmış abidə baxımsızlıq ucbatından bərbad vəziyyət düşüb. Artıq abidənin beton piltəsi yerindən qopmaq üzrədir. Belə getsə, abidə tamamilə dağılacaq. Ərazidə yaşayan sakinlər də xatirə abidəsinin vəziyyətinin onları narahat etdiklərini bildiriblər.
Sakinlər deyirlər ki, sözügedən abidə uzun müddətdir bu vəziyyətdə olsa da, bu haqda bir neçə dəfə şikayətlər etsələr də, yaranan problemi aradan qaldıran yoxdur.
Xatırladaq ki, Xeberle.com da bir neçə dəfə bu problemi işıqlandırıb, amma problemə reaksiya olmayıb.
Buna ad verməyi buraxaq əraziyə baxan "vətənpərvər” qurumların öhdəsinə...
Xeberle.com