Başqanlığa namizəd Siyəzən, Şabran, Xaçmaz və Sumqayıta səfər edib
Müsavat Partiyasının 27 sentyabrda keçiriləcək VIII qurultayı ilə bağlı namizədlərin təbliğat kampaniyası intensiv şəkil alıb. Başqanlığa iddiaçılardan Tural Abbaslı sentyabrın 23-də Siyəzən, Şabran, Xaçmaz və Sumqayıt seçiciləri ilə görüşüb.
İlk olaraq başqanlığa namizəd Siyəzənə zəfər edib. Səfəri çərçivəsində qurultay nümayəndəli ilə görüşən Tural Abbaslı onlara namizədliyi, 27 sentyabrda keçiriləcək seçkilər barədə ətraflı məlumat verib. Ardınca o, qocaman müsavatçı, istiqlalçı deputat, qurultay üzvü Məryəm Orucovanı evində ziyarət edərək, xeyir-duasını alıb. İstiqlalçı deputat gənc namizədə qarşıdan gələn seçkilərdə uğurlar arzulayıb.
Daha sonra Tural Abbaslı Şabrana səfər edib. Rayon təşkilatının sədri Akif Camalov qurultay üzvləri haqqında başqanlığa namizədə məlumat verərək, hələ də seçim qarşısında olduqlarını qeyd edib. Tural Abbaslı çıxışında bütün seçicilərlə qurultaya kimi görüş planlaşdırdığını bildirib. Qurultay nümayəndələrinə seçimlərində uğurlar arzulayıb.
Ardınca Tural Abbaslı Xaçmazda yaşayan Müsavat qurultayının nümayəndələri ilə görüşüb. Maraqlı diskussiya şəkilində gedən müzakirələrdə təşkilatın sədri Heybət Əmrah bütün namizədlərin seçimləri haqq etdiyini iştirakçıların diqqətinə çatdırıb. Hər bir seçicinin azad seçiminin olduğunu bildirib. Tural Abbaslı çıxışında gələcək planlarından danışıb.
Günün sonunda başqanlığa namizədin Sumqayıta səfəri ilə seçicilərlə görüşü başa çatıb.
Cavanşir ABBASLI,musavat.com
Xəbərdən istifadə edərkən istinad etmək vacibdir.
