Bu gün sənaye müəssisələrini və şəhər təsərrüfatının bütün sahələrini idarə edənlər demək olar ki, Sumqayıtın özündə yetişmiş yüzlərlə, minlərlə bacarıqlı kadrlardır. Heç də təsadüfi deyildir ki, Sumqayıtı respublika üçün kadrlar hazırlayan laboratoriya da adlandırırlar. Sumqayıtda müxtəlif vəzifələrdə işləyərək böyük təcrübə əldə etmiş neçə-neçə yüksək ixtisaslı mütəxəssis respublika səviyyəsində vəzifələrdə işləməyə irəli çəkiliblər. Onları bir yerə toplayanda böyük bir siyahı alınır.
Xeberle.com əldə etdiyi məlumatlara əsaslanaraq müxtəlif dövrlərdə Sumqayıtda əmək fəaliyyətinə başlayan və sonradan yüksələn kadrlardan bəhs edən II YAZINI təqdim edir.
Rafiq Qasımov Sumqayıt şəhər partiya komitəsinin şöbə müdiri vəzifəsindən Bakı şəhəri Xətai rayon partiya komitəsinin birinci katibi vəzifəsinə;
Rafiq Sultanov Sumqayıt şəhər partiya komitəsinin şöbə müdiri vəzifəsindən Bakı şəhəri Nizami rayon partiya komitəsinin birinci katibi vəzifəsinə;
Musa Yolciyev Sumqayıt alüminium zavodu partiya komitəsinin katibindən Ağsu, Ağdaş, Ucar rayon partiya komitələrinin birinci katibi vəzifələrinə;
Yura Kuznetsov Sumqayıt şəhər komsomol komitəsinin ikinci katibindən Azərbaycan Lenin Komsomolu Mərkəzi Komitəsinin ikinci katibi vəzifəsinə; Əkbər Vəliyev Sumqayit kompressorlar zavodunun direktorundan "Bakı fəhləsi” zavodunun baş direktoru vəzifəsinə;
Əli Atayev Sumqayıt kompressorlar zavodunun baş mühəndisliyindən "Bakı Elektrik Məişət Cihazları” istehsalat birliyinin Baş direktoru vəzifəsinə;
Çümşüd Kərimov Sumqayıt Sintetik kaucuk zavodu partiya komitəsinin katibindən Kimya və Neft –kimya sənayesi işciləri Respublika Həmkarlar İttifaqı Komitəsinin sədri vəzifəsinə;
Ağadadaş İbrahimov Sumqayıt səhiyyə şöbəsinin müdirliyindən Respublika Səhiyyə nazirinin müavini vəzifəsinə;
Benyamin Ağamoqlanov Sumqayıt şəhər partiya komitəsinin ikinci katibindən Moskva Patris Lubumba adına Universitetin partiya komitəsinin katibi vəzifəsinə; Gennadi Rzayev Sumqayıt şəhər komsomol komitəsinin birinci katibindən Respublika İdman Komitəsinin sədri vəzifəsinə;
İsmayıl Sadıxov Sumqayıt kimya və neft-kimya institunun prorektorundan Gəncə Texnologiya institutunun rektoru vəzifəsinə;
Akif Rəfiyev Sumqayıt şəhərinin prokurorundan Respublika Ədiyyə nazirinin müavini vəzifəsinə;
Nərcə Ağayev Sumqayıt Superfosfat zavodunun direktorundan "Azərkəndkimya” istehsalat Birliyinin baş direktoru vəzifəsinə;
Fəzail Tağıyev Sumqayıt Şəhər Soveti İcraiyyə Komitəsi sədrinin müavinindən Yardımlı rayon partiya komitəsinin birinci katibi vəzifəsinə.
Ardı var...
Ramil Zeynallı, Xeberle.com
P.S. Xatırladaq ki, bu yazıda son illərin məlumatları nəzərə alınmayıb. Yazı "açıq"dır, tamamlanmayıb, istənilən təkliflər əlavə edilə bilər...