Sumqayıtda "Ehtiyacın varsa götür, ehtiyacın yoxdursa as” adlı xeyriyyə kampaniyasına start verilib.
Bu barədə Xeberle.com-a "Loğman” Qaçqınalara Dayaq Mərkəzi İctimai Birliyinin sədri Tahirə Loğman məlumat verib. O, qeyd edib ki, "Ehtiyacın varsa, götür, Ehtiyacın yoxdursa, as!" sosial layihəsi aztəminatlı vətəndaşların yalnız geyim ehtiyaclarını deyil, məişətdə istifadə olunan əşyalarla təmin etmək məqsədi daşıyır: "Ehtiyacı olan şəxslərlə mütəmadi görüşüb onlara yardımlar edirdik. Qərara aldıq ki, bu tədbirləri daha da genişləndirərək davamlı kampaniyalar həyata keçirək. Kampaniya zamanı yalnız geyim əşyaları deyil, məişətdə istifadə olunan ləvazimatlar da təqdim oluna bilər.Düşünürük ki, bu kampaniyadan ehtiyacı olan daha çox insan yararlanmış olacaq.” 
Qeyd edək ki, layihəyə dəstə olmaq və geyim hədiyyə etmək istəyənlərdən xahiş olunur ki, geyim və ayaqqabı gətirərkən onların səliqəli və təmiz olmalarına diqqət etsinlər.
Kampaniyaya  qoşulmaq istəyənlər 0702849070 telefon nömrəsi ilə əlaqə saxlaya bilərlər.