Bura Tovuzun mərkəzi küçəsidir. Gah ticarət obyektlərinin qarşısında, gah da parklarda gəzən heyvanlar gecə vaxtı sakinlərə həyəcanlı anlar yaşadır. Elə qəhrəmanım Ruslan Sultanov da bu cür vəziyyətlə qarşılaşanlardan biridir. O, paytaxtdan rayona işləməyə gəlib. Buranın yollarına, küçələrinə nabələddir. Bir neçə gün əvvəl adəti ürzə işdən evə gedərkən sahibsiz itlərin hücumuna məruz qalıb.

Təhlükə gecə saatlarında daha çox özünü biruzə verir. Görünür elə bu səbəbdəndir ki, hava qaralan kimi hər kəs təhlükəsizliyini nəzərə alaraq öz ocağının başına keçir. Amma təəssüf ki, gecə növbəsində çalışanlar sahibsiz heyvanların hücumundan siğortalanmayıb.

Belə hallar olursa Hafiz kimi tez bir zamanda həkimə müraciət edilməlidir. Çünki  quduzluq əlaməti olan itlərin dişindəki iltiihab sürətli şəkildə insan orqanizminə yayılır. Vaxtında qabağlayıcı tədbir görülməzsə sonda bu ölümlə nəticələnə bilər. İnfeksiyaya qarşı müalicə 1 ay davam etməlidir.

Rayon sakinləri problemin tez bir zamanda həll edilməsini istəyir. Onlar küçələrdə sərbəst hərəkət etməyin mümkünsüz olduğunu deyir və quduzluğun yayılmasından narahatdırlar.

Bu il rayon ərazisində sahibi olan 8 min itin vaksinasiyası aparılıb. Ancaq sahibsiz itlər üçün bu proses mümkünsüz hesab olunur. Səbəbini Tovuz Rayon Baytarlıq İdarəsinin rəisi bu cür izah etdi.

İtlərə qarşı tədbirlər güclənməzsə, vəziyyət daha da təhlükəli ola bilər. Dünyanın əksər ölkələri problemi sığınacaqlar vasitəsilə həll ediblər. Həmin ölkələrdə sahibsiz itlər tutulur və onlar üçün ayrılan xüsusi ərazidə saxlanılır.

Bilən bilir, bilməyənlər üçün isə bir daha xatırladırıq. Azərbaycanda itlərə işgəncə verən və ya onları öldürənləri 25 manatdan 500 manatadək cərimə gözləyir. Qəhrəmanımız Hafiz də məsələnin hüquqi və sivil formada həllinin tərəfdarıdır. 

Sumqayıt küçələrində də sahibsiz heyvanların sayı günbəgün çoxalır. Sakinləri narahat edən bu canlılar insanların həyatı üçün təhlükəyə çevrilib. Təkcə bu ilin 9 ayı ərzində 300-ə qədər sahibsiz it tutularaq Bakıda bu qəbildən olan heyvanlar üçün yaradılan sığınacaqlara göndərilib.

Sahibsiz itlər məktəbliləri də qorxuya salıb. Şagirdlər deyirlər ki, onlardan qorunmaq üçün səhərlər məktəbə əllərində daşla gedirlər. Bəzən isə yollarını dəyişmək məcburiyyətində qalırlar.

Əməkdaşlarımız məsələ ilə bağlı Sumqayıt şəhər İcra Hakimiyyətinin Mənzil-Kommunal Təsərrüfat İstehsalat Birliyinin cavabdeh şəxsləri ilə əlaqə saxlayıblar. Onlar tərəfindən bildirilib ki, bu heyvanların vurularaq zərərsizləşdirilməsinə qadağa qoyulduğundan sakinlərin müraciətləri əsasında müvafiq tədbirlər həyata keçirilir.

Amma biz də sahibsiz dostlarımıza sahib çıxıb bu problemi birdəfəlik həll  edə bilərik. Sahibsiz heyvanları köməksiz buraxmayan Azər Tağıyev indiyədək qarşısına çıxan hər bir dördayaqlı canlıya qayğı ilə yanaşıb. Cersi ilə qarşılaşanda it ağır vəziyyətdə olub. Maşının təkərləri altında qalan Cersinin yaşayacağına ümid olmasa da, indi onun vəziyyəti yaxşıdır. Sadəcə qalıb ona sahiblənmək.

Azər və onun kimi heyvansevərlər hər bir sahibsiz heyvana sahib çıxa bilmirlər. Onların bir problemi var - sığınacaq. Ölkədə isə hazırda 10-a yaxın sığınacaq fəaliyyət göstərir. Həmin sığınacaqlardan biri - heyvanların xilasetmə mərkəzində 200-ə yaxın heyvana baxılır. Dördayaqlılardan 70-i pişik, 90-ı isə itdir. Mərkəz artıq sahibsiz heyvanları qəbul etmir. 

Heyvanların sağ qalması üçün onların sığınacaqda olması vacib deyil. Əsas qarşımıza çıxan hər dördayaqlıya qayğıyla yanaşıb, onu soyuq havalarda isti yer və yeməklə təmin etməkdir.

LEYLA ABBASOVA, SAMİR NAMİQOĞLU, RAMİL ZEYNALLI