Azərbaycanda ''QOLAT CUP'' mini futbol turniri keçiriləcək. Hazırda yarışa qeydiyyat davam edir. Artıq turnirə qatılmaq üçün 20 şirkət komandası iştirakını təsdiqləyib. Layihənin rəhbəri Səid Bağırov Xeberle.com-a bunları söyləyib: "Nəzərə alsaq ki, qeydiyyat hələ davam edir, inaniriq ki 32 komandayla möhtəşəm turnirimizə start verəcəyik. Toplamda 8 qrup və hər qrupda da 4 komanda olacaqdır, növbəti mərhələyə qrupda ilk 2 yeri tutan komandalar vəsiqə qazanacaqdır. ''QOLAT CUP'' mini futbol turniri Mayın 7-də, Azfar Group stadionlarında - 9-cu mikrorayon, 267 sayli stadionda olacaq. Bir gün əvvəl isə turnirin açılış mərasimi olacaq. Bu zaman isə iştirakçı şirkətlərin təqdimatı və çempionatın püşk atması olacaq və 8 qrupdakı komandalar müəyyənləşəcək. Daha öncə də qeyd etdiyimiz kimi, budəfəki çempionatımızın iştirakçıları da şirkətlər, dövlət qurumları və tələbələr olacaq. Bir sözlə peşəkar futbolla məşğul olmayan hər kəs dəvətlidir. Təbii ki, hər zaman olduğu kimi, bu dəfə də çempionata qatılmaq üçün müəyyən qaydalar toplusunu oxuyub və razılığınızı təsdiqləməlisiniz. Əsas məqsədimiz daha etik və müsbət rəqabətə dayalı futbol oynamaqdır. Bundan başqa həm yeni dostluqlar qazanmaq, həm də həftənin iş stressindən də azad olmaq üçün əla fürsətdir”, - deyə Səid Bağırov söyləyib.
Qeyd edək ki, turnirdə ilk 3 yeri tutan komandalara müvafiq olaraq, 1500, 500 və 300 AZN dəyərində uduşlar təqdim ediləcək. Fərqlənənlər habelə kubok, medal və diplomlarla da təltif ediləcəklər. Bundan başqa, ən çox qol vuran oyunçu, ən çox qol ötürməsi edən oyunçuya və ən yaxşı qapıçıya da sponsorlar tərəfindən müxtəlif hədiyyələr təqdim olunacaq.
Qeyd : Turnirdə iştirak edəcək komanda üçün ödəniləcək məbləğ: 300 AZN. Tələbələr üçün isə turnirə qoşulma ödənişi 150 AZN təşkil edir. Nəzərinizə çatdıraq ki, bu ödəniş yalnız bir dəfə ödənilir və digər heç bir xərc olmayacaq.
Hər komanda öz üzvlərinin həmin qurumda işlədiklərinə və ya oxuduqlarına (tələbələ) aid sənədlər təqdim etməlidirlər. Əgər bir şirkətdə minimum 6 oyunçu yoxdursa, onlar digər bir şirkətdən transfer edə bilərlər, sadəcə əsas şərt odur ki, karyerasını futbolla quran və ya peşəkar futbolla məşqul olan şəxslər komandaya cəlb edilə bilməz. Belə bir hal olarsa bu həm təşkilatçı şirkətə və eləcə də digər iştirakçı komandalara qarşı bir ədalətsizlikdir.
"QOLAT CUP" mini futbol turniri oyunları AFFA dərəcəli hakimlər tərəfindən idarə ediləcək və eləcə də arzu edilməyən hallar üçün də həkim və ilkin tibbi yardım oyunlarımızda olacaqdır. Oyunlarda olan video çəkilişlər, video müsahibələr və foto çəkilişlər də çempionata rəng qatacaq. OyunlarIN qolat.az saytında işıqlandırılması davam etdiriləcək.
QOLAT Sport Service olaraq, hər zamanki kimi, turnirlərimizdə işitrak edən komandalarla yüksək səviyyədə əməkdaşlıq edib, çempionat ərzində və sonrasında müəyyən layihələrdə ortaqlıq etməyə davam edəcəyik. Fəaliyyətimizin ilk günlərindən bizimlə partnyorluq edən bütün əməkdaş şirkətlərə təşəkkürümüzü bildirik.
"QOLAT CUP" Mini Futbol turnirində qeydiyyat onlayn şəkildədir. Bunun üçün videonu izləyə bilərsiniz:
Videonu izlədikdən sonra isə sayta qeri qayıdaraq, KOMANDANI YARAT butonuna klik edərək, ŞƏRTLƏRİ oxuyaraq , KOMANDANIZI yarada bilərsiniz.
Xəbərdən istifadə edərkən istinad etmək vacibdir.
