Kamran Zeynalov - o güllə atıcılğı üzrə dünya kubokunun sahibidr. Birinci qrup əlil küçəyə rahat şəkildə hərəkət edə bilmir. Deyir ki, Sumqayıtda, eləcə də ölkəmizin digər regionlarında  avtomobillərin hərəkət etdiyi yolla gedib gəlmək həm onlar üçün çox təhlükəlidir, həm də ciddi çətinlik törədir. Yollar salınarkən, yaxud təmir-bərpa işləri aparılarkən əlilliyi olan şəxslərin hərəkəti nəzərə alınmır. Düzdür, müəyyən yerlərdə - səkilərdə, pilləkənlərin kənarında panduslar var. Amma barmaqla sayılacaq qədər azdır.
Problem yalnız bununla  bitmir. Bəzi dövlət qurumların binlarını çıxmaq şərtilə digər tikililərdə əlillər üçün panduslar və liftlər quraşdırılmayıb.
İnfrastuktur yaradılan zaman bütün  kateqoriyadan olan əlilliyi olan insanlar nəzərə alınmalı kompleks tədbirlər həyata keçirilməlidir.  Bununla bağlı standart qaydalar da işlənib hazırlanıb.
Bu qəbildən olan insanların ictimai nəqliyyat problemi də gündəmdədir. Düzdür bəzi avtobuslarda panduslar quraşdırılsa da sürücülər hələ də belə  insanlara biganə yanaşırlar. Elə bu avtobus sürücüsü kimi.
Bütün bunları nəzərə alaraq qərara gəldik ki, ictimai nəqliyyatda əlillərin hüququları ilə bağlı kiçik təcrübə keçirdək. Gördüklərimiz həm bizi təəccübləndirdi, həm də təəssüfləndirdi.

Xəbərdən istifadə edərkən istinad etmək vacibdir.