Bakıda litvalı qonaqların iştirakı ilə Şərqi Avropanın ən böyük sanatoriya-hoteli olan "Grand SPA Litva"nın prezentasiyası keçirilib. "Premier Expo Hotel”də keçirilən tədbirə turizm sahəsinin nümayəndələri, jurnalistlər, mədənyyət və incəsənət adamları və səyahətlə maraqlanan gənclər qatılıblar. Təqdimatda Litvanın cənubunda Druskininkay kurort şəhərində fəaliyyət göstərən "Grand SPA Litva” sanatoriyasının direktoru Vladimir Şipakov çıxış edərək istirahət guşəsinin tarixi,  coğrafi mövqeyi və ekologiyası haqqında ətraflı məlumat verib. O bildiirb ki, sanatoriya kompleksi uzun müddətdir ki, fəaliyyət göstərir. Sovetlər vaxtında bura Litva sanatoriyası adlanırdı və Litvanın Səhiyyə Nazirliyinin balansında idi. Sonradan isə bura özəlləşdirildi və yüksək səviyyədə - son standartlara uyğun təmir edildi: "Sanatoriya ekoloji cəhətdən çox yüksək səviyyədədir. Belə ki, isitmə sistemi geotermik yolla fəaliyyət göstərir. Neft və qazdan istifadə olunmur. Gələcəkdə günəş batareyaları və elektromobillərdən istifadə nəzərdə tutulur. Bunu etməkdə məqsəd ətraf mühiti çirkləndirməmək və ekoloji balansı maksimum qorumaqdır. Sanatoriyanın coğrafi mövqeyi də çox əlverişlidir. Bura Litvanın cənubunda yerləşir və 2 ölkə - Belarus və Polşa ilə həmsərhəddir. Vacib məqamlardan biri budur ki, 50 km radiusunda heç bir istehsal sahəsi - zavod, fabrik yoxdur. Hər tərəf meşə ilə əhatələnib. Gözəl çay və göllər var. Burada tək hava ilə də müalicə almaq olar. Sanatoriyanın ərazisində balıqla bol Neman çayı axır”

Sonra direktor müavini Auri Mas sanatoriyadakı otellər və xidmətlər barədə söhbət açdı: "Hazırda "Grand SPA Litva” sanatoriya kompleksinə 3 otel, 2 restoran, kafe, bar, böyük müalicəvi mərkəz, Aqua Park, stomatoloji klinika, SPA mərkəzi, boulinq zalı, tennis kortu daxildir. Ərazidə 250 metrdən mineral su çıxır və burada dairəvi su qalereyası yaradılıb. Sadaladığımız bu mərkəzlər 1.5 hektar ərazini əhatə edir. Ərazi Druskininkay şəhərinin mərkəzindədir. Avtobus dayanacağı sanatoriyanın yaxınlığındadır. Bununla yanaşı qonaqları Litvanın istənilən ərazisindən transfer etmək mümkündür. Sanatoriyada 326 nəfər işçi heyəti var. Eyni vaxtda 800 qonaq qarşılamaq gücündədir. Qeyd etdiyimiz kimi 3 otel fəaliyyət göstərir: bunlar 3+, 4 və 4+ ulduzdur. Azərbaycanlı qonaqların seçimi üçün bu, çox önəmlidir. Çünki burda həm də qiymət rol oynayır. Qonaqlara hər bir şəraiti olan rahat nömrələr təklif olunur. Oteldəki müxtəlif SPA və sağlamlıq mərkəzlərindən, habelə hovuz və par vannalarından istifadə etmək olar. Ziyarətçilərə müxtəlif tibbi xidmətlər, müalicəvi vannalar, o cümlədən kinezoterapiya, erqoterapiya təklif olunur. Otelin akvaparkında müxtəlif əyləncə qurğuları, 5 sauna, su masajı vannaları, uşaqlar üçün hovuz, həmçinin şəlalələr var. Qonaqlara bu akvaparkdan gün ərzində fasiləsiz istifadə edə bilərlər”.

Ardınca iştirakçılar arasında lotereya keçirildi və qalib həmin sanatoriyada istirahət etmək üçün 3günlük ödənişsiz göndəriş qazandı.
Sonda "Grand SPA Litva” sanatoriyasının rəhbərliyi Azərbaycan vətəndaşlarını bu gözəl təbiət qoynunda yerləşən istirahət guşəsində dincəlməyə dəvət etdilər. Onlar bildiridilər ki, bu sanatoriyanı seçən şəxslərə Litvaya pulsuz viza dəstəyi olacaq.
Əlaqə telefonu: 055-706-64-94

Xəbərdən istifadə edərkən istinad etmək vacibdir.