Xeberle.com "AQS dental center”in həkim
stomatoloqu Sara Abdullayevanın kompromer (rəngli) plomblar bağlı yazısını təqdim edir.
Uşaqlar gələcəyimizdir. Sağlam uşaq
sahibi olmaq isə hər bir valideynin arzusudur. Ağız boşluğunun sağlam olması
uşaqda yarana biləcək bir çox xəstəliklərin qarşısını alır. Düzgün qulluq
olunmuş ərpsiz, kariyessiz bir ağız boşluğu valideynin usağına olan diqqətinin
göstəricisidir. Uşaqlar rənglərə xüsusi önəm verir.
Diqqət yetirsəniz övladınız oyuncaq
dükanında və ya marketdə rəngsiz,boz və ya qara bir oyuncağı, geyimi ya da
digər əşyanın üstünə getməz, onu seçməz!
Alimlər uşaqların bu xüsusiyyətini nəzərə alıb
kompomer və ya rəngli işıqla bərkiyən plomblar hazırlayırlar.
Göy qurşağının bütün rənglərində ağ rəng daxil olmaqla
səkkiz rəngdə plomblarımız var. Bu plomb orta və dərin kariyesdə sinirin
çıxarılmağına göstəriş olmadıqda qoyulur. Heç bir qıcıqlandırıcı təsiri
olmayan, görüntüsü fərqli, qırılmayan həm də yaxşı yapışma qabiliyyəti olan bu
plomb yalnız süd dislərinə göstərişdir. Ağ rəngindən həm ön həm də, çeynəmə
dişlərinə, digər rənglərdən isə yalnız çeynəmə dişlərinə qoyulması məsləhətdir.
Uşaqlarınızın həyatı kimi dişlərini də rəngarəng edin!
Xəbərdən istifadə edərkən istinad etmək vacibdir.
