Xeberle.com olaraq Sumqayıt Şəhidlər Xiyabanında uyuyan şəhidlərin statistikası ilə maraqlandıq. Araşdırmamıza görə Sumqayıt Şəhidlər Xiyabanında 416 şəhid məzarı var.

Dağlıq Qarabağ uğrunda gedən döyüşlərin ilk illərində, 1992-ci ildə Sumqayıt şəhəri 89 oğlunu şəhid verib ki, onlardan da 2 nəfərin kimliyi bilinmir. Həmin il şəhid olanların yaş qurupuna gəldikdə isə bu 18-49 yaş arasıdır. Bu ildə şəhid olanlar arasında 18-25 yaş arası şəxslərə rast gəlinir ki, onların da sayı 62-dir.

Vətən uğrunda gedən mübarizənin növbəti ilində, yəni 1993-cü ildə Sumqayıtda şəhid olanların sayı 64-dür. Yaş qurupu isə 18-43 yaş arasındadır. 1993-cü ildə şəhid olanlar arasında 18-25 yaş arası gənclərə rast gəlinir ki, onların da sayı 47 nəfərdir.

Sumqayıt ən çox şəhidi 1994-cü ildə verib. Belə ki, atəşkəs elan olunan il şəhərdən şəhid sayı 211 olub. Ən çox şəhid olanlara 18-25 yaş qrupunda rast gəlinib ki, bu da 211 nəfər təşkil edir. Həmin il şəhid olunanlardan 1 nəfərin kimliyi bilinmir. Vətən uğrunda canını fəda edənlərdən ən gəncinin 18, ən yaşlısının isə 47 yaşı var.

Atəşkəs elan olunmasına baxmayaraq, 1995-ci ildə də Sumqayıtdan şəhid olanlar var. Həmin il şəhərimiz 12 oğlunu itirib. Şəhid olanların yaş qrupuna gəldiksə isə, bu rəqəm 19-42 yaş aralığındadır. Onlardan 6 nəfəri 19 yaşında şəhidlik zirvəsinə ucalıb.

1996-cı ildə isə gənclər şəhəri 29 yaşlı bir oğlunu şəhid verib.

Növbəti ildə, yəni 1997-ci ildə isə şəhid olanların sayı 7-dir. Şəhidlərin yaşına gəldikdə isə bu göstərici 20-29 yaş aralığındadır. 1997-ci ildə şəhid olanların 4 nəfəri 21 yaşında olub.

Xoşbəxtlikdən 1998-ci ildə Sumqayıt şəhid verməyib.

Növbəti ildə isə Sumqayıt 6 oğlunu qurban verib. 1999-cu ildə şəhid sayı 6-dır. Həmin ili şəhid olanların yaş qrupu 19-22 aralığındadır.

2000-ci ildə də Sumqayıtdan şəhid yoxdur.

2001-ci ildə isə Sumqayıt şəhəri 2 oğlunu vətən uğrunda fəda edib. Onlardan 1 nəfəri 20, digəri isə 25 yaşında olub.

2002-ci ildə şəhərimiz şəhid verməsə də, 2003-cü ildə 6 nəfər şəhidimiz olub. Onlar 19-36 yaş aralığındadır. Şəhid olanlardan 3 nəfəri 19 yaşındadır.

2004-cü ildə şəhid sayı isə 2 nəfərdir. Onlardan bir nəfəri 19 yaşında, digəri isə 24 yaşındadır.

2005-ci ildə Sumqayıt 29 yaşlı bir oğlunu vətənə qurban verib.

2006-cı ildə də şəhidimiz var. Həmin ili şəhərimiz 2 şəhid verib ki, onlardan biri 20 yaşında, digəri isə 22 yaşındadır.

Növbəti ildə isə şəhidimiz olmayıb. 2008-ci ildə isə 32 yaşlı bir oğlumuz şəhid olub, 2009-cu ildə də Sumqayıt bir oğlunu şəhid verib. Onun yaşı isə 19-dur.

2010-cu ildə isə Sumqayıtdan şəhid olan yoxdur, 2011-ci ildə isə gənclik şəhəri 31 yaşlı bir oğlunu şəhid verib.

2012-ci ildə şəhidimiz olmasa da, növbəti ildə 19 yaşlı bir oğlumuzu vətənə qurban vermişik.

2014-cü ilə gəldiksə isə, həmin il 3 şəhid vermişik. Onlar 18-20 yaşlarındadır.

2015-ci ildə şəhidimiz olmasa da, Sumqayıt 2016-cı ilin aprel döyüşlərində 6 şəhid verib. Onlar 20-44 yaş aralığındadır. Ən gəncinin 20, ən yaşlısının isə 44 yaşı olub.

Ötən ildə də nə yaxşı ki, Sumqayıta şəhid tabutu gətirilməyib.

Onlar doğma Azərbaycanımızın müstəqilliyi uğrunda canlarından keçərək şəhidlik zirvəsinə ucalıblar. Adını o ali zirvəyə yazdıran hər bir şəhidimizin həyatı, qəhrəmanlığı, yurd sevgisi bizim üçün əzizdir, eyni zamanda da əvəzolunmaz vətənpərvərlik nümunəsidir.

Allah bütün şəhidlərimizə rəhmət eləsin!

Hicranə İsmayılova

Xeberle.com

Fotolar Kamran Kazımzadənindir