Məktəbəhazırlıq qrup uşaqlarının məktəbə yola salınmasına həsr olunan tədbirdə valideynlər və qonaqlar iştirak ediblər.

Bir-birindən maraqlı nömrələrlə zəngin olan bayram proqramında uşaqlar bağça dövründə qazandıqları bilik və bacarıqları məharətlə nümayiş etdiriblər. Onlar vətənpərvərlik , bağça və məktəb mövzularında şeirlər söyləyiblər, mahnılar oxuyublar, səhnəciklər nümayiş etdiriblər.

Rəngarəng rəqs nömrələri sürəkli alqışlarla qarşılanıb.

Sonda bağçanın müdiri Ceyhunə Hüseynova uşaqları təbrik edərək onlara məktəb həyatında uğur və nailiyyətlər diləyib.

Valideynlər çıxış edərək öz növbəsində bağça kollektivinə təşəkkür ediblər.

Uşaqlara diplom və xatirə hədiyyələri təqdim olunub.

Qeyd edək ki, 1988 -ci ildən fəaliyyət göstərən bağça sayca 30-cu məzunlarını yola salıb.