"İstilər, meyvələrin yuyulmadan yeyilməsi bağırsaq infeksiyası, qurd invaziyası və s. kimi xəstəliklərin yaranmasına səbəb ola bilər”.
Bu barədə Xeberle.com-a açıqlamasında Sumqayıt şəhər Uşaq Xəstəxanasının infeksionisti Səbinə İsayeva məlumat verib. Onun sözlərinə görə, bu kimi halların yaşanmaması üçün valideynlər uşaqları istilərdən, çirkli meyvələrdən uzaq tutmağa çalışmalıdırlar:
"Yay fəslində orqanizmdə ferment çatışmazlığı olur. Ferment az olduğu üçün uşaq istiyə düşdükdə bədən müqavinəti də boşalır və onda qusma, qarın getmə halları müşahidə olunur. Valideynlərə məsləhət görərdim ki, uşaqlara meyvə verərkən onun təmizliyindən əmin olsunlar. Daha sonra uşaqları çox istidə gəzdirməsinlər, eyni vaxtda müxtəlif meyvələrlə qidalanmalarına izin verməsinlər və çantalarında hər zaman ilıq, adi su gəzdirsinlər. Meyvə yeməkdən sonra iki saat fasilə edilməsi şərtilə qəbul olunmalıdır. Yuxarıda sadaladığım hallarla bağlı uşaqlar problem yaşayarsa, həkimə getməzdən əvvəl valideynlərə məsləhət görərdim ki, uşağa çoxlu su içizdirərək onun qusmasına çalışsınlar. Əgər qarnı gedirsə, uşağı imalə (klizma) etmək lazımdır. Bundan sonra 2 saat ərzində o uşağa yemək vermək məsləhət deyil, sadəcə olaraq az-az maye qəbul olunmalıdır (adi su, çobanyastığı dəmləməsi və s.)”. Elnarə Salamova
Xeberle.com
Xəbərdən istifadə edərkən istinad etmək vacibdir.
