Bu günlərdə sosial şəbəkələrdə Bakının Sabunçu rayonunun Pirşağı qəsəbəsində insanların dənizdən istifadə etdiyi ərazidə kanalizasiya suyunun axıdılması ilə bağlı paylaşılan videomaterial böyük müzakirələrə səbəb olub. Xeberle.com olaraq məsələni aydınlaşdırmaq üçün Pirşağı qəsəbə nümayəndəliyi ilə əlaqə saxladıq. Nümayəndəlikdən saytımıza bildirildi ki, Pirşağıda elə bir kanalizasiya xətti yoxdur ki, birbaşa dənizə axıdılsın: "Ona nəzarət qəsəbə nümayəndəliyinin işi deyil. Gigiyena və Epidemologiya Mərkəzi gedib baxır və yoxlayır. Pirşağıda elə bir kanalizasiya xətti yoxdur ki, birbaşa dənizə axıdılsın. Ora Kürdəxanı ərazisindədir. Dənizin ətrafına hasarlar çəkiblər. Həmin hasarları keçib Pirşağının dənizindən istifadə edə bilmirik, o ki qaldı ora kanalizasiya suyu axıdılsın”. Məsələ ilə bağlı Ekologiya və Təbii Sərvətlər Nazirliyi (ETSN) ilə əlaqə saxladıq. ETSN-dən saytımıza bildirildi ki, problem araşdırılacaq və bu barədə məlumat veriləcək.

Elnarə Salamova

Xeberle.com